Búgin atmosferalyq frontaldy bólikterdiń ótýine baılanysty respýblıkanyń keı jerlerinde jańbyr, naızaǵaı, ekpindi jel, shandy daýyl, soltústikte tuman kútiledi. Bul týraly «Qazgıdromet» RMK baspasóz qyzmeti habarlady.
Sınoptıkterdiń habarlaýynsha, kúndiz Qostanaı oblysynyń basym bóliginde 15-20 m/s jyldamdyqta jel soǵyp, ekpini 23 m/s kúsheıedi. Keı jerlerinde tuman kútiledi.
Mańǵystaý, Qaraǵandy, Shyǵys Qazaqstan, Aqtóbe, Atyraý, Qyzylorda oblystarynyń keı jerlerinde jel 15-20 m/s artady. Atyraý, Qyzylorda oblystarynda shańdy daýyl turady.
Batys Qazaqstan oblysynda jel 15-20 m/s kúsheıedi, kúndiz keı jerlerinde burshaq kútiledi.
Soltústik Qazaqstan, Aqmola oblystarynyń keı jerlerinde tuman boljanady. Kúndiz jeldiń kúshi 15-20 m/s artýy yqtımal.