Moody's Investors Service halyqaralyq reıtıngtik agenttigi 20 sáýirde «Tengri Bank» AQ jergilikti jáne shetel valıýtasyndaǵy uzaq merzimdi depozıttik reıtıngin B2 deńgeıinen Caa3-ke deıin tómendetti. Banktiń kredıt qabilettiliginiń bazalyq baǵasy (BCA) b3-ke deıin, kontragent táýekeliniń uzaq merzimdi jáne qysqa merzimdi baǵalary (CRA) Caa2-ge deıin tómendedi.
Moody's agenttigi reıtıngtiń tómendeýine túsinikteme bere otyryp, jaǵdaı turaqtanyp, Bank barlyq qarjylyq mindettemelerdi tolyq kólemde jáne ýaqtyly oryndaýdy jalǵastyrǵannan keıin Bank reıtıngi qaıta qaralýy múmkin ekenin atap ótti. Odan ári, Bank ótimdilikti aıtarlyqtaı nyǵaıtý boıynsha sharalar qabyldaǵannan, aksıonerler tarapynan qoldaý kórsetilgennen keıin reıtıng Saa3 belgisinen arttyrylatyn bolady. Reıtıngtiń tómendeýine qaramastan, Bank jaǵdaıdy turaqtandyrý jumystaryn jalǵastyrýda.
Bank álemdik qarjy naryǵyndaǵy qalyptasqan jaǵdaıǵa baılanysty shekteýli rejımde jumys isteıdi, bul belgili bir dárejede Banktiń klıentter aldyndaǵy óz mindettemelerin oryndaýyna áser etýde.
«Tengri Bank» AQ eldegi tótenshe jaǵdaı kezinde óz qyzmetin júzege asyrýda jáne osy máselelerdi retteýshimen jáne aksıonerlermen, onyń ishinde negizgi aksıoner - Punjab National Bank-pen talqylaýdy qosa alǵanda, ótimdilikke baılanysty jaǵdaıdy turaqtandyrý úshin barlyq qajetti sharalardy qabyldaýda.
Jaqyn arada Bank barlyq prosessteriniń úzdiksizdigin qamtamasyz ete otyryp, óziniń operasııalyq qyzmetin qalpyna keltirýdi, tólemder men aýdarymdardy júrgizýdi jalǵastyrýdy josparlap otyr.
«Tengri Bank» AQ óz klıentterin oqıǵalardyń damýy týraly aqparattandyrýdy jalǵastyrýda jáne árdaıym baılanys ortalyǵynyń 3434 nómiri boıynsha (qońyraý shalý tegin) baılanysta bolady.