«Ǵylym qory» aksıonerlik qoǵamynda Qazaqstan Respýblıkasynyń Reseı Federasııasyndaǵy Tótenshe jáne ókiletti elshisi Ǵ.Orazbaqovpen «Ǵylym qory» AQ basqarma tóraǵasynyń mindetin atqarýshy A.Baıshekeevtiń kezdesýi ótti.
«Ǵylym qory» aksıonerlik qoǵamynda Qazaqstan Respýblıkasynyń Reseı Federasııasyndaǵy Tótenshe jáne ókiletti elshisi Ǵ.Orazbaqovpen «Ǵylym qory» AQ basqarma tóraǵasynyń mindetin atqarýshy A.Baıshekeevtiń kezdesýi ótti.
Kezdesýge Ǵylym komıtetiniń tóraǵasy N.Ybyraıym, Qazaqstan Respýblıkasy Atom energetıkasy komıtetiniń tóraǵasy M.Sháripov jáne «Ǵylym qorynyń» qyzmetkerleri qatysty.
Kezdesý barysynda Qazaqstan men Reseı arasynda ǵylym men ınnovasııa salasyndaǵy yntymaqtastyqty keńeıtý múmkindikteri, joǵary tehnologııany damytý jáne ıadrolyq energetıka salasyndaǵy yntymaqtastyq máseleleri, halyqaralyq ǵylymı jobalardy qarjylandyrý jáne úılestirý múmkindikteri, tehnologııany óndiriske engizý jáne basqa da ǵylym men tehnıka salasyndaǵy máseleler qozǵalyp, talqylandy.
Ǵ.Orazbaqov birqatar ǵylymı baǵyttar boıynsha qazaqstandyq áriptesteriniń qatysýymen birlesken jobalardy júzege asyrýǵa reseılik ǵalymdardyń úlken qyzyǵýshylyq bildirip otyrǵanyn atap kórsetti. Osyǵan baılanysty elshi Qazaqstan jáne Reseı ǵalymdarynyń arasynda ǵylymı baǵyttaǵy yntymaqtastyqty jan-jaqty jáne belsendi damytýǵa shaqyrdy jáne de ǵylym men tehnıka salasyndaǵy mundaı yntymaqtastyqtyń Qazaqstan úshin, sonymen birge, otandyq ǵylymnyń damýy jáne Elbasynyń otandyq ǵylymnyń aldyna qoıyp otyrǵan maqsattaryna qol jetkizý úshin bolashaǵy jáne strategııalyq mańyzdylyǵynyń joǵary ekenin atap kórsetti. Qazaqstan Respýblıkasynyń Reseı Federasııasyndaǵy elshiligi eki eldiń ǵalymdary arasyndaǵy ǵylymı yntymaqtastyqty damytýdy júzege asyrý úshin qajetti qoldaý kórsetetinine óz tarapynan senim bildirdi.
* * *
Taıaýda Astana qalasynda Shanhaı yntymaqtastyq uıymyna múshe memleketterdiń mınıstrlikteri jáne vedomstvo basshylarynyń ekinshi jınalysy ótti.
Osy jıyn sheńberinde «Ǵylym qory» AQ Qytaı Halyq Respýblıkasynan kelgen delegasııamen kezdesý uıymdastyrdy. Kezdesýge Qazaqstan Respýblıkasyndaǵy QHR elshiliginiń ekinshi hatshysy Lı Sınveı, QHR Shyńjan Uıǵyr avtonomdy aýdanynyń ǵylym jáne tehnıka basqarmasynyń basshysy Dýn Pın, onyń orynbasary Hý Kelın, QHR Ǵylym jáne tehnıka mınıstrliginiń halyqaralyq yntymaqtastyq boıynsha departamentiniń qyzmetkeri Lıý Iýıhýeı qatysty.
Kezdesý barysynda «Ǵylym qory» AQ basqarma tóraǵasynyń mindetin atqarýshy Almasbek Baıshekeev qordyń damý barysynyń baǵyt-baǵdaryn tilge tıek etti. Sonymen qatar, qytaılyq delegasııa qor jobalarymen tanystyrdy.
Kezdesýge qatysýshylar ǵylym jáne tehnıka salasynda yntymaqtastyq ornatý máseleleri, Qazaqstan Respýblıkasyndaǵy jáne Qytaı Halyq Respýblıkasyndaǵy ǵylym qorlarynyń qyzmetteri jáne sonyń ishinde qarjylandyrýdyń joldaryn naqty osy ǵylymı uıymdar arqyly tabý múmkindikterin talqyǵa saldy. Sonyń ishinde perspektıvaly ǵylymı jobalardy qarjylandyrý tetikterin júzege asyrýdaǵy yntymaqtastyqqa qol jetkizý máseleleri, «Ǵylym qory» AQ jáne QHR-nyń ǵylymı-zertteý qorlarymen kelisimshart jasaý múmkindikteri jaıly, joǵaryda kórsetilgen uıymdarda tájirıbemen almasý jáne ortaq jobalardy júzege asyrý maqsatynda mamandardy issaparǵa jiberý múmkindikteri týraly máseleler talqylandy.
«Egemen-aqparat».