Komıtet tóraǵasy Qýanysh Sultanov bastaǵan Senattyń Halyqaralyq qatynastar, qorǵanys jáne qaýipsizdik komıtetiniń depýtattary Jańa demokratııa ınstıtýty strategııalyq jáne halyqaralyq zertteýler ortalyǵynyń basshylarymen kezdesti, dep habarlady osy palatanyń baspasóz qyzmeti.
Kezdesý barysynda Q.Sultanov Ortalyqtyń qyzmetin joǵary baǵalaı kelip, EQYU keńistigindegi ózekti máselelerdi sheshýdegi birlesken jumystarda ózara is-qımyldy kúsheıtý kerektigin atap kórsetti.
“Biz qazirgi yntymaqtastyqty qoldaımyz, taldaý ortalyǵynyń tájirıbesi men bilimi Qazaqstan úshin, ásirese, Qazaqstannyń EQYU-ǵa tóraǵalyq etýi kezeńinde zor yqylas týǵyzady”, dedi senator.
Kezdesýde Qazaqstannyń tóraǵalyq etýi barysynda Uıymnyń bedelin nyǵaıta túsýmen qatar, onyń odan ári damýyna serpin beretin negizgi basymdyqtardy júzege asyrý jáne ilgeriletý máseleleri talqy-laýdyń negizgi taqyryby boldy.
Osyǵan baılanysty EQYU sammıtin ótkizý ıdeıasyna erekshe nazar aýdaryldy, Strategııalyq jáne halyqaralyq zertteýler ortalyǵy jobasynyń basshysy Iа.Býgaıskııdiń aıtýynsha, Memleket basshylarynyń basqosýy “EQYU-ǵa tóraǵalyq etken jyldaǵy Qazaqstannyń barlyq jumystaryn pash etýi tıis”.
Sammıttiń mazmuny jaıynda aıta kelip, taraptar joǵarǵy deńgeıdegi kezdesýlerdiń yqtımal kún tártibiniń negizgi máseleleri jaıynda óz oılaryn ortaǵa saldy. Sarapshylardyń pikirinshe aldaǵy talqylaýlar EQYU-ǵa qatysýshylardyń múddelerine sáıkes Uıymnyń is-qımylyn óristetý úshin negiz qalyptastyrýǵa baǵyttalýy tıis.
Kezdesý barysynda sarapshylar ortalyǵynyń basshylary elimizdiń jáne onyń Prezıdenti Nursultan Nazarbaevtyń halyqaralyq qoǵamdastyqtaǵy joǵary bedelin atap óte kelip, Vankýverden Vladıvostokqa deıingi keńistikti qamtıtyn Uıym tóraǵasy retindegi Qazaqstannyń mıssııasy tabysty júzege asatynyna senim bildirdi.