Nur-Sultan qalasynda masalar, múk jáne basqa da jándikterge qarsy keń aýqymdy dezınseksııa jumystary eki aýysymda júrgizilip jatyr. Mamandar birneshe baǵytty qamtydy. Olar sý qoımalary men jertólelerdi óńdep jatyr. Jumysqa 150-den astam adam qatysyp, ondaǵan tehnıka jumyldyryldy.
«Masa kóp shyǵatyn jerlerdi dezınseksııalaýǵa asa kóńil bólinip jatyr. Bul masalar men múk sanyn azaıtýǵa múmkindik beredi. Dezınseksııa jumystary kósheler men adam kóp jınalatyn oryndarda da bastaldy. Birinshi kezeń aıaqtalǵannan keıin dezınseksııalyq jumystar qalanyń oramishilik aýmaqtarynda, saıabaqtarda, tynymbaqtarda, kóshelerde júrgiziledi», - dep atap ótti mamandar.
Masalarmen kúres tıimdi bolýy úshin turǵyn úılerdiń jertólelerin, mektep pen balabaqsha aýmaqtaryn, densaýlyq saqtaý, mádenıet jáne sport nysandaryn, bazarlardy, saýda úılerin jáne t.b. zararsyzdandyrý mańyzdy. Bıyl masalardan aýmaqty óńdeý jospary 20%-ke, sý qoımalaryn óńdeý 25%-ke artty.