Kásipkerlikti, shaǵyn jáne orta bıznesti damytý úshin memleket tarapynan jasalyp jatqan qamqorlyq az emes. Biraq ozyq oı, úzdik joba bolmasa tókken ter, qosqan qarjy zaıa ketetini qazir kópke belgili bolǵan. «Atameken» odaǵy» ulttyq ekonomıkalyq palatasynyń qoldaýymen «Atameken Startap» qoǵamdyq qory ótkizgen Atameken Startup Kostanay bıznes-bastama baıqaýy bolashaqtaǵy úlken isterdiń nyshanyndaı sezildi. Negizi bul shara Qazaqstan boıynsha isin endi bastaǵan kásipkerlerdi qoldaýǵa arnalǵan. Mundaı baıqaý Qostanaı qalasynda osymen ekinshi jyl ótip otyr. Árıne, jaqsy iske árkimniń talasy bar, qatysamyn, úzdik bastama, úzdik tájirıbe usynamyn degenderge esik ashyq. Alaıda, usynǵan jobalardyń sıpaty mindetti túrde ınnovasııalyq, al aımaq úshin jylt etken jańalyǵy bolýy tıis.
Kásipkerlikti, shaǵyn jáne orta bıznesti damytý úshin memleket tarapynan jasalyp jatqan qamqorlyq az emes. Biraq ozyq oı, úzdik joba bolmasa tókken ter, qosqan qarjy zaıa ketetini qazir kópke belgili bolǵan. «Atameken» odaǵy» ulttyq ekonomıkalyq palatasynyń qoldaýymen «Atameken Startap» qoǵamdyq qory ótkizgen Atameken Startup Kostanay bıznes-bastama baıqaýy bolashaqtaǵy úlken isterdiń nyshanyndaı sezildi. Negizi bul shara Qazaqstan boıynsha isin endi bastaǵan kásipkerlerdi qoldaýǵa arnalǵan. Mundaı baıqaý Qostanaı qalasynda osymen ekinshi jyl ótip otyr. Árıne, jaqsy iske árkimniń talasy bar, qatysamyn, úzdik bastama, úzdik tájirıbe usynamyn degenderge esik ashyq. Alaıda, usynǵan jobalardyń sıpaty mindetti túrde ınnovasııalyq, al aımaq úshin jylt etken jańalyǵy bolýy tıis.
Baıqaý barysyndaǵy berilgen belgili ýaqytta oǵan qatysýshylar ózderi jasaǵan jobalardyń tujyrymyn jáne bıznes-josparyn daıyndady. Al jobalar bıznes pen tehnologııa salasyndaǵy tájirıbeli sarapshylardyń yqpal etýimen crush-tester arqyly ótti. Úsh kúnge sozylǵan baıqaýdyń qorytyndysynda ozyq jobalar irikteldi jáne oǵan qatysýshylar baǵa jetpes tájirıbeler aldy. Baıqaýǵa barlyǵy 47 bıznes-bastama usynǵan 115 adam qatysqan bolatyn. Úzdik jobalardyń, qyzyqty bastamalardyń kóptigine baılanysty tóreshiler alqasyna jeńimpazdy anyqtaý ońaıǵa soqpady. Jasaqtalǵan 36 komandanyń 16-sy ǵana tóreshilerdiń oıynan shyqty. Osy on alty komandanyń arasynan qazylar alqasy úsh komandany ǵana júldeli orynǵa tańdap aldy. Birinshi oryndy «Green» komandasy jeńip aldy. Onyń quramyndaǵy Tólesh Maǵzum, Saıat Shaımurynov, Dáýlet Esjanov plastık shólmekterdi joıý jáne olardy ónerkásipte ekinshi shıkizat kózi retinde paıdalanýdy usynady. Jas kásipkerler joıylǵan shólmekterdi ónerkásipte óńdep, odan hımııalyq talshyq, tehnıkalyq suıyqtar quıatyn ydystar jáne úıdiń tóbesin jabatyn materıaldar, taǵy basqa da zattar alýǵa bolatyndyǵyn dáleldeıdi.
Ekinshi oryndy «Vot v chem sol» komandasy ıelendi. Aıjan Ahmetova men onyń jetekshisi Vladımır Poezjalov tuzdy óńdeý óndirisiniń ımportty almastyratyn tehnologııasyn usyndy. Bul tehnologııamen óńdelgen tuzdyń ózindik quny reseılik ónimnen eki ese arzanǵa túsedi.
Al úshinshi oryndy «Elektr kúshimen otaýshy» jobasy úshin «Áıelderdi saqtańdar» komandasy ıelendi. Bul komandanyń músheleri Elena Klımenko men Iýrıı Martynıýk aramshópti otaýǵa arnalǵan elektr qurylǵysyn jasaýǵa bolatynyn aıtady. Onymen jumys istegen kisi eńkeıip, kúsh jumsap, belin aýyrtyp jatpaıdy. Aramshópke baǵyttap qondyrǵynyń túımesin basyp otyrady. Shóp elektr toǵymen qyrqyla beredi.
Baqshanyń shóbin otaıtyn negizinen áıelder bolǵandyqtan, komandanyń aty da osylaı tańdaldy. Bul olardyń jumysyn óte jeńildetedi, deıdi Iýrıı Martynıýk. Baıqaýdan júldeli oryn alǵan eńbekter ǵana emes, óndiriske suranyp turǵan basqa da úzdik jobalar ekonomıkany damytýdyń memlekettik ınstıtýty men Qazaqstannyń bıznes-bastaý klýbyna jiberiletin bolady.
Baıqaýdyń qazylar alqasynyń quramynda jergilikti kásipkerler, basqarma basshylary, ǵalymdarmen qatar AQSh-tyń Qazaqstandaǵy elshiligi mádenıet jónindegi attashesiniń orynbasary Drıý Peterson da boldy.
– Qazaqstannyń ekonomıkalyq damýy úshin mundaı baıqaýlar óte qajet. Bizdiń Amerıkada osy tárizdi baıqaýlar jıi ótedi, ár qalada kásipkerler arasynda jarysqa negizdelgen qyzyqty shoýlar ótkizetin saýda palatalary bar, – deıdi Drıý Peterson.
Baıqaý tek túsken jobalardy iriktep qana qoımaıdy, kásipkerlikke