Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev «Macquarie Russia & CIS Infrastructure Fund» qorynyń tóraǵasy Aron Rýbın basqarǵan avstralııalyq bıznes-delegasııasymen kezdesti.
Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev «Macquarie Russia & CIS Infrastructure Fund» qorynyń tóraǵasy Aron Rýbın basqarǵan avstralııalyq bıznes-delegasııasymen kezdesti.
Taraptar Qazaqstandaǵy ınvestısııalyq yntymaqtastyqtyń máselelerin talqylady. Macquarie kompanııasynyń ókilderi energetıka, kólik (onyń ishinde, avto, temir joldary, porttar jáne áýejaılar), turǵyn úı-kommýnaldyq sektor jáne telekommýnıkasııa salalaryna ınvestısııa salýǵa qyzyǵýshylyq bildirdi.
Aron Rýbın atap ótkendeı, Macquarie kompanııasy álem boıynsha eń iri ınfraqurylym ınvestory bolyp tabylady, onyń basqarýynda jalpy kapıtaldanýy 101 mlrd. AQSh dollaryn quraıtyn 46 qor bar. Macquarie Russia & CIS Fund qorlarynyń biri ınfraqurylymdyq sektorǵa ınvestısııalar boıynsha belsendi jumysty bastady. Alǵashqy ınvestısııalar Reseıde energetıkalyq, kóliktik jáne telekommýnıkasııalyq sektorlarǵa jasalǵan edi.
О́z kezeginde Áset Isekeshev elimizde júrgizilip jatqan jańa ınnovasııalyq-ındýstrııalyq saıasat týraly áńgimeledi, bul saıasat tóńireginde tikeleı sheteldik ınvestısııalardyń tartylýyna orasan zor mán beriledi. Osyǵan oraı, qazirgi kezde ınvestısııalardy tartý boıynsha birqatar yntalandyrýshy sharalardy kózdeıtin ulttyq jospar iske asyrylýda.
Taraptar jaqyn arada qazaqstandyq kompanııalardyń jobalaryn egjeı-tegjeıli qaraýǵa ýaǵdalasty.
«Egemen-aqparat».