Tabıǵı monopolııalardy retteý agenttiginiń tóraǵasy Murat Ospanov Qyzyljar óńirinde bolǵan jumys saparynda kommýnaldyq qyzmet kórsetetin kásiporyndardyń ınvestısııalyq baǵdarlamalardy oryndaý barysyna erekshe nazar aýdardy. № 2 jylý ortalyǵynyń dırektory Vıktor Barmın qaıta jańǵyrtýdan ótip, paıdalanýǵa berilgen №8 qazandyq agregatynyń jumysymen tanystyrdy. Jalpy quny 4,6 mıllıard teńgeni quraıtyn qondyrǵynyń bir saǵattyq qýaty 270 tonnaǵa deıin artqan.
Tabıǵı monopolııalardy retteý agenttiginiń tóraǵasy Murat Ospanov Qyzyljar óńirinde bolǵan jumys saparynda kommýnaldyq qyzmet kórsetetin kásiporyndardyń ınvestısııalyq baǵdarlamalardy oryndaý barysyna erekshe nazar aýdardy. № 2 jylý ortalyǵynyń dırektory Vıktor Barmın qaıta jańǵyrtýdan ótip, paıdalanýǵa berilgen №8 qazandyq agregatynyń jumysymen tanystyrdy. Jalpy quny 4,6 mıllıard teńgeni quraıtyn qondyrǵynyń bir saǵattyq qýaty 270 tonnaǵa deıin artqan. Endi munda № 4 týrbınany montajdaý jalǵasýda. 2015 jylǵa taman eskirgen qural-jabdyqtardyń 35-40 paıyzyn jańalaý kózdelip otyr. «Petropavl jylý jelileri» JShS-da jylý júıeleriniń tozýy 70 paıyzdy quraıdy. Investısııalyq baǵdarlama sheńberinde bıyl 7,9 mıllıon teńgege qural-jabdyqtar satyp alý, 182,4 mıllıon teńgege tehnıkalyq qaıta jaraqtandyrý júrgizý josparlanǵan. Qazirgi tańda 34 magıstraldy jáne taratý jelileri ýchaskeleri kúrdeli jóndeýden ótken. «Qyzyljar sý» JShS-da agenttik tóraǵasynyń qatysýymen baspasóz týry uıymdastyryldy. Onda dırektordyń mindetin atqarýshy Sergeı Vızerov kásiporyn aktıvterin jańǵyrtý jaıly maǵlumat berdi. Jańa qondyrǵylardy ornatý barysynda aıyna bir mıllıon teńgeniń tirshilik nári únemdeletin bolypty.
Budan keıin «Nur Otan» HDP oblystyq fılıalynda «Ashyqtyq –tarıftik saıasattyń basym baǵyty» atty dóńgelek ústel ótip, oǵan eńbek ardagerleri, bıznes salasy, úkimettik emes uıym ókilderi, máslıhat depýtattary qatystyryldy. Onda baǵany qoljetimdi etý, monopolıster qyzmetin ońtaılandyrý, memlekettik organdar men bıznes qaýymdastyǵynyń is-qımylyn jetildirý, ınvestısııalyq mindettemelerdi oryndaý, naryq sýbektileri múddeleriniń teńgerimine qol jetkizý boıynsha salıqaly pikirler almasyldy. Jıynǵa qatysýshylar tarıf belgileýdiń ashyqtyǵyn, móldirligin, retteletin sektorlardy jańǵyrtý, energııa jáne resýrs únemdeý baǵdarlamasyn, «jasyl ekonomıkaǵa» kóshý qadamyn qoldady.
О́mir ESQALI,
«Egemen Qazaqstan».
Soltústik Qazaqstan oblysy.