Oblys ortalyǵyndaǵy «Dostar» mádenıet saraıynyń shyǵarmashylyq ujymy ózderiniń ınstagram áleýmettik paraqshalary arqyly onlaın sabaqtar ótkizýde. Bul sabaqtar óz tárbıelenýshilerinen bólek, barlyq qatysam deýshilerge qoljetimdi.
Karantın muńaıýǵa sebep emes. Muny «Dostar» mádenıet saraıynyń ujymy dáleldeýde. Olar túrli onlaın sharalar uıymdastyryp, shyǵarmashylyq sabaqtar da uıymdastyrylýda.
– Horeografııa men vokal sabaqtaryn onlaın túrde kúnde ótkizemiz. Bizdiń shákirtterimizdiń qataryna basqa da aımaqtardyń turǵyndary qosylýda. Olar beınesabaqtaryn arnaıy paraqshalardan kórip, jetekshilermen baılanysqa shyǵýda. Endi Nur-Sultan men Petropavl qalalarynan da balalar qatysýda. Tipti kórshiles Reseıden bir qyz bala nıet bildirdi. Sondaı-aq aqyndar men kúıshilerdiń mektebi de aýqymdy jumystar júrgizilýde. Ulttyq aspaptarda oınaýdy úırenýden sabaqtar ótkiziledi, – deıdi «Dostar» mádenıet saraıynyń bólim meńgerýshisi Ekaterına Aýǵanbaeva.
«Dostar» mádenıet saraıynyń shyǵarmashylyq ujymymen birge karantındegi ár kúnińizdi qyzyqty ótkizýge bolady. Olar onlaın túrde dástúrli jáne zamanaýı bılerdi úıretýde. Al shyndap kelgende mundaı sabaqtar kez-kelgen adamnyń dene bitimin qalypty ustaýǵa tıgizer septigi mol. Onlaın sabaq barysynda án aıtyp, mánerlep oqýǵa da erekshe mán berilgen. Máselen, onlaın sabaqtardyń biri Abaıdyń 175 jyldyǵyna oraılastyrylǵan.
Mine, osylaısha karantın kezindegi ár kúnińizdi qyzyqty ári paıdaly etip ótkizýge bolady. Ol úshin tek nıetińiz bolsa jetkilikti.