Sarapshylar Reseı elinde avtokólikti saqtandyrý salasynda alaıaqtyq áreketterdiń bıylǵy jyly da sany artady dep boljap otyr. Olardyń pikirinshe, Ugon dep atalatyn saqtandyrý salasyndaǵy alaıaqtyq árketter 30-35 paıyzǵa artýy múmkin. 2019 jyly saqtandyrý alaıaqtyqtan keltirilgen zalal 6 mıllıard rýblden asyp, shaǵymdardyń shamamen 20 paıyzy qylmystyq sıpatqa ıe bolǵan. Al alaıaqtyq jaǵdaılardyń 70 paıyzy turmystyq jaǵdaılarmen baılanysty bolyp keledi.
Reseılik Avtosaqtandyrýshylar Odaǵy atqarýshy dırektorynyń orynbasary Sergeı Efremov ádette avtokólikter urlyǵy lızıngtegi kóliktermen baılanysty ekendigin alǵa tartady. Alaıaqtar bir kúndik fırmalar quryp, lızıngke kólik rásimdegennen keıin ony urlandy dep taýyp, shetel asyryp otyrǵan. Al karantın aıaqtalǵannan keıin qosalqy bólshekterge qatysty urlyqtyń ósýi múmkin. Qazirgi kezde bankter lızıng boıynsha sharttaryn, kompanııalardy tekserýdi kúsheıtken. Nátıjesinde buryn qoldanystaǵy kólikterdiń urlyǵy ashylýy múmkin.
Reseıdegi alaıaqtyqtyń taǵy bir túri tómen baǵada polısterdi satý. Alaıaqtar polısti mashınaǵa emes, motosıklge rásimdep, koeffısenti tómen aımaqtardy tańdaıdy. Mundaı polıster arqyly kólikti esepke qoıýda nemese jol-kólik ınspektory teksergen kezde saqtandyrý polısine bola nazar aýdarmaýy eskeriledi. Alaıda jol kólik apaty oryn alǵan jaǵdaıda mundaı polıster kólik ıesine kómektese almaıdy.
Sarapshylar, saqtandyrý salasyndaǵy alaıaqtyqtyń aldyn alýda telematıka qoldaný qajettigin aıtady. Jol apaty oryn alǵan jaǵdaı saqtandyrýshy apat týraly tolyqtaı eskertpe alady. Nátıjesinde onyń bultarýǵa múmkindigi bolmaıdy. Ázirge Reseıde telematıkaly kasko polısteri 50 myńnan aspaıdy. Dál qazirgi jaǵdaıda ony ózgertýge múmkindik bar.