Cybaılas jemqorlyqqa qarsy is-qımyl agenttiginiń Shymkent qalasy boıynsha departamentiniń bastamasymen qala ákimi M. Aıtenov pen memlekettik organdar basshylarynyń qatysýymen cybaılas jemqorlyqqa qarsy is-qımyl máseleleri boıynsha jıyn ótti.
Keńeıtilgen jıynda onlaın-konferensııa arqyly memlekettik organdardyń birinshi basshylarynyń qol astyndaǵy qyzmetkerleriniń sybaılas jemqorlyq quqyq buzýshylyqtar jasaǵany úshin jaýapkershiligi týraly zańnama normalary qaraldy.
Qala ákimi M. Aıtenov atap ótkendeı, Memleket basshysy sybaılas jemqorlyqqa qarsy kúreste naqty basymdyqtar belgilegen. Ol barlyq memlekettik organdardyń basshylaryn tótenshe jaǵdaı kezindegi olardyń jeke jaýapkershiligi týraly eskertti.
Shymkent qalasy boıynsha Sybaılas jemqorlyqqa qarsy qyzmetiniń basshysy Ashat Jumaǵalı basshylyqtyń qol astyndaǵylardyń sybaılas jemqorlyq jasaǵany úshin derbes jaýapkershiliginiń negizgi aspektilerine keńinen toqtaldy.
Ol basshylardyń nazaryn eńbek ujymdaryndaǵy sybaılas jemqorlyqty joıýǵa, sondaı-aq parasattylyq qaǵıdattaryn engizýge aýdardy.
Sybaılas jemqorlyqqa qarsy qyzmeti ýákiletti organ retinde aǵymdaǵy jaǵdaıǵa monıtorıng júrgizip, osy máselelerdi belsendi kóterip, basshylardyń jaýapkershiligin qaraýǵa bastamashylyq etedi.
Budan bólek, Shymkent qalasynyń memlekettik organdarynyń birinshi basshylaryna karantın rejımin qamtamasyz etýge tartylǵan adamdarǵa qatysty halyqtan kelip túsken aqparattar týraly habardar etti.
«Quqyq buzýshylyqtyń aldyn alý maqsatynda biz basshylardyń baǵynyshtylar arasynda sybaılas jemqorlyq úshin jeke jaýapkershiligin taǵy da eske salǵymyz keledi» dedi A. Jumaǵalı.
Is-sharada megapolıstegi sybaılas jemqorlyqtyń jaı-kúıi, táýekeldi salalar men monıtorıng nátıjeleri talqylandy.
Aǵymdaǵy jyldyń I-toqsanynda Departamentpen 31 qylmys tirkeldi. Sybaılas jemqorlyq qylmystarynyń qatarynda paraqorlyq (12), alaıaqtyq jáne ysyrap etý faktileri (9) basym. Sybaılas jemqorlyq úshin ustalǵandardyń basym bóligin jergilikti atqarýshy organdar men polısııa qyzmetkerleri quraıdy.
Shymkent