21 sáýir kúni kúndizgi saǵat 16:15 shamasynda Yrǵyz aýdandyq jedel járdem kezekshilik bólimshesine bir balanyń sýǵa aǵyp bara jatqany týraly habarlama kelip túsedi. Biraq, oqıǵa ornyna qutqarýshylar kelgenshe kórshisi 5 jasar balany sýdan shyǵaryp alyp, kómek kórsetedi. Oqıǵa ornyna lezde jetken 19 jastaǵy Nurjan aǵysy qatty sýdan balany aman alyp qaldy.
- Kóshe jaqta kólikpen kele jatqan bolatynmyn. О́zen jaǵasynan ótip bara jatqanda qol bulǵap shaqyryp, kómek suraǵan daýysty estidim. Oqıǵa ornyna jetken kezde kórshimniń 5 jasar nemere uly batyp bara jatqanyn baıqadym. Bar oıym balany aman alyp qalý boldy. Men ony qutqarýǵa kelgende balany jaǵadan 7 metr, tereńdigi 2 metrge deıin alyp ketken. Balanyń aǵyp bara jatqan jaǵyna qaraı aldynan shyǵyp ustap qalý úshin, barymdy salyp júze bastadym. Osylaısha balany qutqaryp, oǵan alǵashqy medısınalyq kómek kórsettim. Jasandy tynys alý ádisin jasadym. Keýde tusynan basyp, dem alýyna kómektestim. Bastysy bala aman!, - deıdi Nurjan.
Kóp keshikpeı qutqarýshylar jasaǵy da, jedel járdem de jetken. Jasóspirimdi sýdan alyp shyqqannan soń dárigerler ony birden Yrǵyz aýdandyq ortalyq aýrýhanasyna jetkizgen.
О́z kezeginde balalaryn aman alyp qalǵan stýdentke jasóspirimniń ata-anasy shynaıy alǵystaryn aıtyp, rızashylyqtaryn bildirgen.
Aıta keteıik, Rashıd Nurjan - Yrǵyz aýdany, Yrǵyz aýylynyń týmasy. Q.Jubanov atyndaǵy Aqtóbe óńirlik memlekettik ýnıversıtetiniń tehnıkalyq fakýltetiniń «Qurylys» mamandyǵynyń 2-kýrsynda oqıdy.
- О́z áreketimdi erekshe erlik dep oılamaımyn. Meniń ornymda bolǵan kez kelgen adam osylaı jasar edi, - deıdi ol.
Onyń erligi nazardan tys qalmaq emes. Yrǵyz aýdanynyń basshylyǵy jas jigitke batyldyǵy men ójettigi úshin alǵys aıtty. Atalǵan oqý ordasynyń basshylyǵy da Nurjannyń erligi óskeleń urpaqqa úlgi-ónege bolýy tıis ekenin aıtyp, batyrdy marapattaýdy uıǵaryp otyr.