Halyqaralyq áýejaı Túrkistannan 35 shaqyrym qashyqtaǵy Kentaý qalasyna qarasty, Shaǵa eldi mekeniniń mańynan salynýda. Qurylysty «Turkistan International Airport» JShS júrgizýde, merdiger mekeme – túrkııalyq «YDA Group» kompanııasy.
Qurylysqa 341 jumysshy men 106 birlik tehnıka jumyldyrylǵan. Búginde áýejaı termınalynyń konstrýksııalyq jumystarynyń 90 paıyzy aıaqtalǵan. Sondaı-aq ushý-qoný jolaǵy men perronnyń 2 qabat shaǵal-tasty qospasy jáne rýldeý jolynyń 1 qabat shaǵal-tasy tóselgen. Áýejaıdy paıdalanýǵa berý merzimi – joba boıynsha memlekettik - jekeshelik áriptestik kelisimshart rásimdelgennen keıin belgili bolmaq. Degenmen boljam boıynsha 2020 jyldyń aıaǵyna deıin qurylys jumystary aıaqtalýy tıis.
Halyqaralyq áýejaı termınalynyń jolaýshylardy ótkizý múmkindigi - saǵatyna 450 jolaýshy, aýmaǵy 10,5 myń sharshy metr, al ushý-qoný jolaǵynyń parametri 3300h45 metr bolady.
Túrkistan oblysy