OSYLAI BOLSA KEREK-TI

Májilistiń sońǵy jalpy otyrysynda depýtattar memle­kettik tildiń máselesine qatty alańdaýshylyq bildirdi. Tipti, buryn bul máselege asa kóńil ból­meı júretin belsendi depý­tattardyń da ulttyq namysy oıana bastaǵan sekildi, olar da memlekettik tildiń mereıi ústem bolǵanyn qalaıtynyn sezdirip, máselege qazaqsha-oryssha aı­tylǵan ótkir sózderimen qaıta-qaıta qatty shúılikti. Sonyń ishinde depýtat Nur­lan О́nerbaev Prezıdent N.Na­zarbaev budan birneshe jyl buryn aıtqan qazaq tilinde ǵana habar taratatyn telearnanyń áli kúnge ashylmaǵanyna qyn­jy­lys bildirdi. Odan keıin Qazaqstan men Birikken Arab Ámirlikteri ara­syn­daǵy eki kelisimdi jáne Qa­zaq­stan men Reseı arasyndaǵy bir kelisimdi ratıfıkasııalaý týraly zań jobasyna qatysty ju­mysty jalǵastyrýda daý tý­dy. Osy zań jobalarynyń bári de memlekettik tildegi mátinde­rinde ketken olqylyqtaryna baı­lanysty qabyldanbaı, qaralý merzimi sozylyp jatyr eken. De­pýtat Erlan Nyǵmatýlın ju­mysty odan ári jalǵastyrmaı, Úkimetke qaıtarý kerektigin aıt­ty. Biz qashanǵa deıin mem­le­kettik tilde ketken qatelerdi túzetýmen aınalysamyz, Úkimet oǵan jetkilikti dárejede kóńil bólmeı otyr, sondyqtan zań jobalaryn durys daıyndaý úshin tym bolmasa bir ret keri qaıtaraıyq, dedi ol. Depýtat Shalataı Myrzah­metov odan da ári ketti. Ol osyn­daı zań jobalaryn daıyndaı­tyn mınıstrlikterde qazaq ti­linde taza sóılep ári saýatty jaza alatyn  adamdar joqtyq­tan  keleńsizdikterge jol beri-lip otyrǵanyn atap kórsetti. Kileń bir “bálensheniń qyzy, túgensheniń uly” dep sheneýnik­ter men baı-baǵylandardyń qalada ósken balalaryn ǵana osyndaı jerlerge jumysqa alyp, qazaqshany jaqsy biletin aýyl balalaryn ondaıǵa jolat­paımyz. Sonyń kesirinen de mem­lekettik tildiń jaǵdaıy aqsaýda. Osy sebepti máseleni jyldan-jylǵa uzatpaı, tildi taza biletin jastardan mamandar daıyndaý jaǵyn qarastyrý qajet. Biz Úkimetke sondaı naqty usynys jasaıyq. Sonda ǵana másele túbegeıli sheshiletin bolady, dedi depýtat. Parlament Májilisiniń Tór­aǵasy Oral Muhamedjanov bul má­seleniń oryndy ekenin es­kert­ti. Zań jobasyn qaraýǵa alǵannan keıin, onymen jumys isteý pa­ryzymyz. Biz mundaı olqylyq­tary bolǵan soń zań jobasyn tir­keýge almaýymyz kerek edi, dedi Oral Baıǵonys­uly. Biraq depýtat Raýan Shaekın barynsha tabandy pozısııa usta­nyp, memlekettik tilge degen sal­ǵyrttyqqa qashanǵy shydaı­myz, shala daıyndalǵan zań jobalaryn qaıtse de Úkimetke qaıtarý kerek dep otyryp aldy. Biraq onyń usynysy daýysqa salynǵan kezde shaǵyn aıyrma­shylyqpen ǵana ótpeı qaldy. Sóıtip, depýtattar osy otyrys­tan soń endigi jerde memleket­tik tilde olqylyqtar ketken zań jo­balaryna muqııat qarap, olar­dy tipti qaraý úshin tirke­meıtin sııaqty áser qaldyrdy... Jaqsybaı SAMRAT.