Mádenıet jáne sport mınıstri Aqtoty Raıymqulova erekshe jobalardyń birine toqtaldy.
«Á. Qasteev atyndaǵy Memlekettik óner galereıasy ázirlegen estý qabileti buzylǵan azamattarǵa arnalǵan arnaıy beıne-ekskýrsııalar uıymdastyrylýda. Bul shara elimizdegi 18 myńnan astam estý qabileti buzylǵan adam úshin keremet múmkindik týdyrdy desek te bolady. Sondaı-aq zaǵıp jáne nashar kóretin azamattarǵa arnalǵan kitaphana da tek karantın keziniń ózinde 25-ten astam shyǵarmany áleýmettik jelilerge ornalastyrdy, Braıl shrıfti boıynsha 130-dan astam kitap, aýdıokitap, sonyń ishinde Uly Abaıdyń shyǵarmalaryn taratty»,- dedi A. Raıymqulova.
Sonymen qatar, balalar úshin uıymdastyrylyp jatqan onlaın baıqaýlar týraly aıtty.
«Balalar úshin «О́nerli óren» respýblıkalyq onlaın konkýrsy uıymdastyrylyp, qatysýǵa 500-ge jýyq ótinish tústi. Bul rette klassıkterdiń, sonyń ishinde Uly Abaıdyń eń úzdik shyǵarmalary óte tanymal ekenin aıta ketý kerek. Qazirgi ýaqytta áleýmettik jelide jalǵasyp jatqan konkýrsty bir ýaqytta 28 myń kórermen tamashalaıdy. Balalardyń sheberligin kásibı ártister, aqyndar baǵalaıdy»,- dedi mınıstr.