Bıyl «Jasampaz jasaq» sharasy vırtýaldy rejımde ótetindikten Qyzylorda oblysy ákimdigi soǵystyń otty joldaryn keship ótken erler esimin jadymyzda taǵy bir márte jańǵyrtý úshin ınteraktıvti aksııaǵa qatysýǵa shaqyrady.
Ol úshin áke-atalaryńyzdyń, jaqyndaryńyzdyń fashızmdi joıýǵa qosqan úlesin áńgimelep nemese maıdannan jibergen hattaryn oqyp, beınerolık túsiresiz.
Aksııany oblys ákimi Gúlshara Ábdiqalyqova bastady.
«Bıyl biz Jeńistiń 75 jyldyǵyn karantın jaǵdaıynda qarsy alamyz. Biraq, bul eń surapyl soǵysty jeńispen aıaqtaǵan jaýyngerlerge qurmet kórsetpeý degen maǵynany bildirmeıdi.
1941 jyldyń jaz aıy. Bul mezgil mektep bitirip, bilim uıasynan endi ǵana túlep ushqan ákem Naýsha Ábdiqalyqov úshin eń qasiretti kezeńderdiń biri boldy. Ol 1942 jyldyń naýryzynda, soǵystyń naǵyz qyzǵan shaǵynda Qyzyl ásker qataryna qosyldy. Jaýyngerlik jolyn gvardııalyq 279-shy atqyshtar polkinde bastap, Smolenskiden Kıonıgsbergke deıingi surapyl soqpaqty júrip ótti. Jaýǵa qarsy top bastap, qanshama qala, eldi mekendi azat etýge atsalysqany úshin «Qyzyl Juldyz» ordenine ıe boldy. Ákelerdiń el úshin jasaǵan erligi – biz úshin úlgi. Eshkim de, eshteńe de umytylmaq emes!, – dedi Gúlshara Naýshaqyzy óz óz paraqshasynda jarııalanǵan beınejazbada.