Partııanyń jergilikti fılıaly aımaq turǵyndaryn Instagram áleýmettik jelisinde tikeleı efırde onlaın rejimde qabyldaı bastady. Mundaǵy maqsat - Elbasy bastamasy boıynsha el kóleminde júzege asyrylyp jatqan BizBirgemiz akııasy tóńireginde turǵyndar suraǵyna jaýap berý.
Búgin birinshi ret ótken onlaın qabyldaýda bolǵandardyń kóbi azyq-túlik sebetterin kimder jáne qalaı alyp jatyr, qor qarajatyna úmitkerler kimder? - degen saýaldar qoıdy. Fılıal tóraǵasynyń birinshi orynbasary Eldar Kúzenbaev olarǵa: - El aýmaǵynda tótenshe jaǵdaı engizilgen sátten bastap, Elbasy BizBirgemiz aksııasyna bastaý bergen bolatyn. Qazirgi tańda aımaqta taýar korzınalarymen jáne taǵy basqa kerek quraldarmen 2444 muqtaj otbasy qamtyldy, - dep jaýap berdi.
Tikeleı efırde ótken onlaın qabyldaýǵa 500 adam qatysyp, 150-ge jýyq suraq kelip tústi. Eldar Kúzenbaev ár suraqqa tushymdy jaýap berýge tyrysty. Keıbir saýaldardy jazyp alyp, keıinirek mindetti túrde sheshemiz degen ýádesin berdi. Onlaın qabyldaý kezinde 42500 teńge tólemi, «BizBirgemiz» aksııasy aıasynda kórsetilip jatqan kómek jáne áleýmettik qordan beriletin 50 myń teńge tóńireginde kóp saýal tústi. Bul 50 myń teńgeni alyp úlgergen biraz azamattar alǵysyn bildirip jatty.
Eldar Kúzenbaevtyń aıtýynsha, «BizBirgemiz» áleýmettik qorynan bólingen tólemderdiń birinshi tolqyny barysynda, jergilikti atqarýshy organdar qurǵan tizim boıynsha Qostanaı oblysynda 5681 muqtaj adamnyń árqaısy 50 myń teńgeden áleýmettik kómek alǵan. E. mamyr aıynyń basynda aksııanyń ekinshi tolqyny boıynsha qarajat bólinetinin aıtty.
Sáýir aıy bastalǵaly oblystyq fılıalǵa 3000 myńǵa jýyq azamat júginip, 2000 myńnan astam ótinish oryndalǵan.
Qostanaı oblysy