Ýkraınanyń astanasy – Kıev qalasynda qyrkúıektiń 8-inen beri ótip jatqan bokstan jasóspirimder arasyndaǵy álem chempıonaty óziniń sheshýshi kezeńine kelip jetti. Aldymen qolymyzda deregi tolyq turǵanymen, sony ártúrli sebeptermen sońǵy kúnderi der kezinde jetkize almaǵanymyz úshin bokssúıer qaýymnan keshirim suraımyz.
Burnaǵy oınalǵan shırek fınaldyq shaıqastardyń qorytyndysynda barlyq 13 salmaq kategorııasy boıynsha jartylaı fınalǵa shyqqandardyń aty-jónderi belgili boldy. Bul saptan 8 qazaqstandyq jas boksshy oryn aldy.
Endi bárin ret-retimen baıandaıyq. Qyrkúıektiń 10-11-i kúnderi 1/8 fınaldyq aıqastar bolyp ótti. Munda 7 qazaqstandyq boksshy sharshy alańǵa shyǵyp, solardyń 6-y jeńiske jetti. Jeńgenderdiń qatarynda bul joly Álimjan Beskempir (46 kg), Serik Temirjanov (48 kg), Baýyrjan Temirhan (52 kg), Abylaıhan Júsipov (57 kg), Jumageldi Raev (75 kg) jáne Dmıtrıı Zısko (+80 kg) bolsa, Sabyrjan Ábilov (57 kg) buǵan deıin jarys jolynan shyǵyp qalǵan Berik Qulan (60 kg) men Vladıslav Stolbovskııdiń (63 kg) qataryn tolyqtyrdy.
Al 12 qyrkúıek kúni medaldardyń taǵdyry sheshiletin shırek fınaldyq jekpe-jekter boldy. Munda bizdiń 8 boksshymyzdyń baǵy janyp, 2 ulanymyz jeńiliske ushyrady. Osylaısha bizden Álimjan Beskempir, Serik Temirjanov, Stoıan Mazýr (50 kg), Baýyrjan Temirhan, Abylaıhan Júsipov, Rahat Myrjyqpaev (66 kg), Qadyrbek Sádibek (70 kg) jáne Dmıtrıı Zısko «medaldar» aýylyna endi. Endi bulardyń árbirine kem degende qola medal buıyrady. Al bulardyń qataryna sońǵy sátte, shırek fınalda súringen Jumageldi Raev pen Tımýr Erjanov (80 kg) kire almaı qaldy. Sonymen, chempıonatqa barǵan 13 boksshymyzdyń 8-i medalge qol jetkizge, 5-i bul belesten tabylǵan joq.
Jalpy, qazaqstandyqtar bul chempıonatta medaldar sany boıynsha Reseıden keıingi ekinshi oryndy alǵaly tur. Bizdiń soltústik kórshilerimizdiń baǵlandary 10 medaldy moıyndaryna taǵyp qaıtady. Al bulardyń qaısysy altyn, kúmis jáne qola medal bolatynyn búgin ótetin jartylaı fınaldyq jáne erteńgi fınaldyq aıqastar anyqtaıdy.
Buǵan taǵy qosatynymyz, Ýkraına boksshylarynda – 5, ázerbaıjandarda – 4, al kýbalyqtar men ırlandııalyqtarda úsh-úshten júlde bolady. Budan ári taldap bersek, qalǵan medaldardy basqa quramalar bylaısha bóliske salady: AQSh, Rýerto-Rıko, Armenııa, Túrkııa – 2, Meksıka, Taıpeı, Rýmynııa, Moldova, Koreıa, Brazılııa, О́zbekstan, Tájikstan, Avstralııa, Germanııa, Belarýs – 1.
Keshe boksshylar bir kúndik tynys aldy. Búgin jartylaı fınaldyq aıqastar júrip jatyr.
Endi biz jigitterimizdiń altyn medaldy kóbirek alyp, komandalyq birinshi oryndy alýyn tileıik.
Damır Qojamqul.
Tehnıkalyq nátıjeler
Boks. Jasóspirimder. IX álem chempıonaty. Kıev (Ýkraına). 8-15 qyrkúıek. 2013 jyl.
8 qyrkúıek. 1/32 fınaldyq irikteý shaıqastary. Kúndizgi sesııa. 57 kg. Dalton Smıt (Anglııa) – Anders Eggan (Norvegııa) 3:0, Artýr Prıgoda (Ýkraına) – Eskerhan Madıev (Grýzııa) 3:0. 63 kg. Sırojıddın Shodıldjonov (О́zbekstan) – Blek Travers (Avstralııa) 3:0.
1/16 fınaldyq irikteý shaıqastary. 46 kg. Israel Rodrıges (Meksıka) – Gabor Vırban (Vengrııa) 3:0 , Danıel Lapın (Ýkraına) – Faızen Rahmanshoev (Tájikstan) 3:0, Rýfat Gýseınov (Ázerbaıjan) – Masıng Varavara (Vanýatý) 3:0 , Adrıan Fargýhar (Avstralııa) – Maksım Aleınıkov (Belarýs) 2:1, Svıatoslav Varankın (Reseı) – Adalbert Dopkevıtchýs (Germanııa) 3:0, Sabrı Habboýbı (Týnıs) – Dorjı Norbý (Býtan) 3:0, Naransogt Bıambasogt (Mońǵolııa) – Dogýkan Fettahoglý (Túrkııa) 3:0, Tý Ro-Veı (Taıpeı) – Artýr Zınkovskıı (Lıtva) 3:0, Sýleıman Latıpov (О́zbekstan) – Ran Vlasenko (Izraıl) 3:0, Sergeı Getevonıan (Armenııa) – Ankýsh Danıııa (Úndistan) 2:1, Álimjan Beskempir (Qazaqstan) – Djordan Ýıt (AQSh) 2:1, Kım Vı (Koreıa) – Djeıson Damıng (Fılıppın) 2:1 , Georgıı Chargazııa (Grýzııa) – Gııýcha Santo (Italııa) 3:0, Ioahnıs Argılago (Kýba) – George Separý (Rýmynııa) 3:0 .
Keshki sessııa.54 kg. Fares Safforı (Izraıl) – Oýssama Kara Alı (Aljır)WO., Genrı Lebron (Pýerto-Rıko) – Ikboldjon Holdarov (О́zbekstan) 3:0, Angeloı Planıa (Fılıppın) –