Shymkenttegi sanıtarlyq buǵattaý beketterinen kókónis tıegen kólikter kedergisiz ótip jatyr. Tipti ákimdik qyzmetkerleri sharýalarǵa ónimin qaı bazarǵa aparyp satý tıimdi ekenin túsindirýde.
О́ıtkeni qala ákimi M.Áıtenov tótenshe jaǵdaı kezinde halyqtyń qajetteligin qamtamasyz etý maqsatynda arnaıy qaýly bekitip, kórshi aýdandardan dıqandardyń qalaǵa kedergisiz kirip-shyǵýyna jaǵdaı jasady. Oǵan qosa sharýalarǵa qaladaǵy «Qazybek» bazarynan arnaıy oryn bóldirip berdi. Sóıtip dıqandar jylyjaıdan jınaǵan ónimderin deldalsyz satyp jatyr. Endi Túrkistandyq dıqandarǵa da jaǵdaı jasaldy.
Kúni keshe Saryaǵash aýdanynan kókónis artqan 3 júk kóligi keldi. Onyń biri sabaǵynan jańa úzilgen joǵary surypty balǵyn qulpynaı. Dıqandar áýes astyń kelisin 2500 teńgeden satyp jatyr.
Al, qyzanaq 350, qııar 250 teńgeden kóteresine saýdalanýda.
«Kókónisti tikeleı deldalsyz satý sharýaǵa ǵana emes alýshyǵa da tıimdi. О́ıtkeni, bul baǵanyń turaqty bolýyna septigin tıgizedi, qala ákiminiń bul bastamasy quptarlyq is óıtkeni sharýa úshin ónimin balǵyn kezinde satý tıimdi», deıdi saryaǵashtyq dıhan Zııabek Esbaev.
Shymkent