Sáýir aıynyń 7-si men 16-sy aradyǵynda Atyraý-Amsterdam baǵyty boıynsha batys aımaqtaǵy qyzmetkerlerdi elden shyǵarý maqsatynda 6 reıs júrgizilip, 414 jolaýshy tasymaldanǵan.
Sondaı-aq Atyraý qalasynan Almaty qalasyna, Nur-sultan, Qyzylorda, Shymkent, Semeı, Qaraǵandy jáne Taraz qalalaryna TShO-men kelisim-shart boıynsha 29 reıs jasalyp, 5 244 jolaýshyny tasymaldaý josparlanýda.
Tek naýryz-sáýir aılarynda «Eır Astana»AQ shamamen 7350 reıs josparlaǵan onyń 4938 reıs joıylyp otyr. Bul ózgerister 22 naýryz ben 30 sáýir aralyǵynda oryn alǵan.
«QAZAQ AIR» AQ naýryz-sáýir aılarynda 1520 reıs jasaýdy josparlap otyr. Sáýirdiń 30-y kúni joıylǵan reıster sany 1110 quraıdy.
Osynyń saldarynan, kompanııalar josparly kórsetkishtermen salystyrǵanda Eır Astananyń jyldyq kirisi shamamen 139,5 mlrd teńgege nemese 33% - ǵa, ushý aǵymdaǵy jyldyń 15 mamyrynan bastap qaıta bastalǵan jaǵdaıda «Qazaq Air» AQ-6,2 mlrd teńgege nemese 44% -ǵatómendeýi múmkin.
Búgingi onlaın – bırfıng barysynda «Samuryq-Qazyna» AQ Kólik jáne logıstıka jónindegi basqarýshy dırektory Qanat Alpysbaev jahandyq jáne el ishindegi karantındik sharalar toqtatqannan keıin qazaqstandyq áýekompanııa - Eır Astana jáne Qazaq Air áýekompanııalarynyń odan ári qyzmetin qamtamasyz etý jáne kórsetiletin qyzmetter sapasyn saqtaý boıynsha jumystar jaǵasatynyn atap ótti.