Premer-Mınıstr Asqar Mamın taý-ken metallýrgııa keshenin damytý máseleleri jóninde keńes ótkizdi. Bul týraly primeminister.kz habarlady.
Salany damytý jáne usynylatyn qoldaý sharalary týraly ulttyq ekonomıka mınıstri R. Dálenov, ındýstrııa jáne ınfraqurylymdyq damý mınıstri B. Atamqulov, TMK kásiporyndaryn mazýtpen jáne dızel otynymen qamtamasyz etý týraly energetıka mınıstri N. Noǵaev, tabıǵatty qorǵaý is-sharalary týraly geologııa, ekologııa jáne tabıǵı resýrstar mınıstri M. Myrzaǵalıev, TMK salalyq kásiporyndaryndaǵy ahýal týraly Qaraǵandy oblysynyń ákimi J. Qasymbek, sondaı-aq «Arselor Mıttal Temirtaý» AQ, «Qazmyrysh» JShS, «ERG» kompanııalar toby jáne t. b. ókilderi baıandady.
Taý-ken óndirisi salasy — QR ekonomıkasynyń negizgi salalarynyń biri, osy jyldyń I toqsanynda oń qarqyn kórsete otyryp, ósim ótken jyldyń sáıkes kezeńimen salystyrǵanda 5%-dy qurady.
Keńeske qatysýshylar QQS qaıtarýdy jedeldetý jáne shegin ulǵaıtý, tıimdiligi tómen ken oryndary úshin paıdaly qazbalardy óndirýge salynatyn salyq mólsherlemelerin tómendetý, «kedendik aýmaqta qaıta óńdeý» rejımi úshin kedendik tekserýlerdi shekteý jolymen, kedendik baqylaý rásimderin jeńildetý jáne t. b. sekildi taý-ken sektory kásiporyndaryn memlekettik qoldaý sharalaryn qarastyrdy.
QR Premer-Mınıstri A. Mamın TMK kásiporyndarynda jumys oryndaryn saqtaý jáne salany odan ári damytýdy yntalandyrý maqsatynda usynylǵan sharalar toptamasyn qoldady.