Bul toptamada álemniń 185 elinde taraǵan COVID-19 vırýsyna qatysty sońǵy jańalyqtardy jarııalap otyramyz.
25 sáýirde Johns Hopkins University (JHU) usynǵan málimet boıynsha vırýs juqtyrǵandar sany - 2 790 986, ólim sany - 195 920, aıyqqandar sany - 781 382 adam boldy (jańartylǵan ýaqyty 16:17).
Reseıde koronavırýsty anyqtaýǵa 2,7 mln-nan astam test alyndy. О́tken táýlikte 169 myń zertteý júrgizildi
Koronavırýs juqtyrýy múmkin degen kúdikpen 168 myń adam medısınalyq baqylaýǵa alynǵan.
Reseıde indet bastalǵaly COVID-19 vırýsyn 68 622 adam juqtyrǵan, jazylyp shyqqandar sany 5 568-ge jetti, kóz jumǵandar — 615 adam.
Kıprde 4 mamyrdan bastap karantın rejımi jeńildetiledi.
Túrkııada bir táýlikte koronavırýstan 3 246 adam jazylyp shyqty
О́tken táýlikte koronavırýs ınfeksııasyn juqtyrǵan taǵy 3 122 adam anyqtaldy.
Italııada bir táýlikte 420 adam kóz jumdy
Bul elde COVID-19-dan qaıtys bolǵandar sany 25 969-ǵa jetti. О́tken táýlikte 2 922 naýqas saýyǵyp shyqty. Koronavırýs ınfeksııasynan jazylyp shyqqandardyń jalpy sany 60 498-ge jetti. Bul elde jalpy 192 994 adamnyń vırýsty juqtyrǵany anyqtalǵan. Reanımasııada 4 870 adam emdelip jatyr.
Fransııada ótken táýlikte qaýipti vırýstyń saldarynan 389 adam qaıtys boldy
Koronavırýstan kóz jumǵandardyń jalpy sany 22 245-ke jetti. Sońǵy málimetterge sáıkes, koronavırýs dıagnozymen 28 658 adam aýrýhanaǵa jatqyzylǵan. Qazirgi tańda Fransııada koronavırýs ınfeksııasyn juqtyrǵan 122 577 adam tirkelgen.
Ekvadorda COVID-19 koronavırýs ınfeksııasyn juqtyrǵan taǵy 11 536 adam anyqtalǵan
Munda jalpy 22 719 adam atalǵan vırýsty juqtyrǵan. Buǵan qosa, taǵy 16 adam kóz jumdy. Indet bastalǵan ýaqyttan beri koronavırýstan 576 adam qaıtys bolǵan.
Lıvanda ózin-ózi oqshaýlaý rejımi 10 mamyrǵa deıin uzartyldy
Estonııada Tótenshe jaǵdaı rejımi 17 mamyrǵa deıin uzartyldy