Búgin, 16 qyrkúıek, dúısenbi kúni Prezıdent Nursultan Nazarbaev Ońtústik Qazaqstan oblysyna jumys saparymen keldi. Elbasyn Shymkent áýejaıynda oblys ákimi Asqar Myrzahmetov bastaǵan oblys basshylyǵy kútip aldy. Bul týraly oblys ákiminiń baspasóz qyzmeti habarlady.
Memleket basshysy shyraıly shymdy shahar jerine kelgen saparyn osynda salynyp jatqan jańa ákimshilik-iskerlik ortalyǵyn qamtıtyn turǵyn úı alabynan bastady. Aıta ketetin jaıt, oblys ortalyǵynda jańa ákimshilik-iskerlik ortalyqtyń qurylysyn júrgizý jobasy Prezıdenttiń: «Shymkent respýblıkada úshinshi qalaǵa aınalýy tıis» degen naqty tapsyrmasyn iske asyrý maqsatynda júzege asyrylýda.
Jurtshylyq ókilderimen kezdesý kezinde Nursultan Nazarbaev sońǵy ýaqytta atqarylǵan jumysty kózben kórip, oblys turǵyndarynyń turmys-tirshiligine baǵa berý úshin saparmen kelgenin atap ótti.
«О́ńirge kelseń, jurttyń bári ákimniń aýysýyn kútip júredi. Eger jumysyn jaqsy atqaryp jatsa, ony aýystyrýdyń qajeti qansha? Jalpy, syrtqy ahýaldyń turaqsyzdyǵyna qaramastan, óńir búkil elimiz sııaqty damyp keledi. Qazaqstanda biz resessııaǵa, áleýmettik tólemaqyny qysqartýǵa jáne jumyssyzdyqtyń artýyna jol bergen joqpyz. Bul – kúndelikti qajyrly eńbektiń nátıjesi. Ońtústik Qazaqstan oblysy kólik-logıstıkalyq zor áleýetke ıe, bul jerden avtomobıl joldary men temirjoldar, gaz qubyrlary ótedi, Kóksaraı sý qoımasy salyndy. Oblysta Qazaqstan halqynyń 15 paıyzy turady. Munda bala týý kórsetkishi joǵary jáne tıisinshe mektepke deıingi, orta, sondaı-aq kásiptik-tehnıkalyq bilim máselesi de basa nazar aýdarýdy qajet etedi», – dedi Memleket basshysy.
Qazaqstan Prezıdenti álemniń damyǵan 30 eliniń qataryna kirý jónindegi maqsatqa qol jetkizý tek ekonomıkalyq qana emes, áleýmettik kórsetkishterdiń jaqsarýyna da baılanysty ekenine nazar aýdardy.
«Elimizde qabyldanǵan memlekettik baǵdarlamalar azamattar ómiriniń barlyq salasyn qamtıdy. Mysaly, ana ólimi úsh ese azaıǵan. Bul memlekettik saıasattyń mańyzdy kórsetkishi dep sanaımyn. Turmys jaǵdaıynyń, medısınalyq qyzmet kórsetý sapasynyń jaqsarýy azamattardyń densaýlyǵyna tikeleı septigin tıgizedi», – dedi Memleket basshysy.
Nursultan Nazarbaev ınnovasııalyq ekonomıkany qalyptastyrý úshin otandyq kadrlardy daıarlaýdyń mańyzdylyǵyn da atap ótti.
«Bizge básekege qabiletti bilim men ózimizdiń ǵylymdy damytý óte mańyzdy. Nazarbaev Ýnıversıteti men Nazarbaev Zııatkerlik mektebin ashý ulttyq ǵylymı elıtany qalyptastyrýǵa baǵyttalǵan. Halyqaralyq tájirıbe bilim salasynda ǵylymı ortalyqtardy qurýda megapolıster róliniń zor ekenine dálel. Shymkentte Astana men Almatydan basqa úshinshi megapolıst qurý kerek, respýblıkanyń batys óńirinde taǵy bir megapolıs paıda bolýy múmkin. Qalanyń jańa ákimshilik ortalyǵynyń qalyptastyrylýy turǵyndar sanyn mıllıonnan asyrý jónindegi strategııanyń jalǵasy bolyp sanalady», – dedi Qazaqstan Prezıdenti.
Nursultan Nazarbaev agroónerkásip kesheni qyzmetiniń nátıjesi jaman emes ekenin jáne bul salanyń ónimdiligin arttyrý kerektigin atap ótti. Sondaı-aq, shaǵyn jáne orta bıznesti damytý qajettigine toqtaldy.
Kezdesý barysynda oblys ákimi A.Myrzahmetov óńirdiń áleýmettik-ekonomıkalyq damý qorytyndylary týraly baıandady.
Ákimshilik-iskerlik ortalyqty qamtıtyn jańa turǵyn úı alaby 28 myńnan astam adamǵa arnalǵan. Kóp páterli turǵyn úılerden basqa munda mektepke deıingi balalar mekemelerin, mektepter, emhanalar, sondaı-aq saýda jáne mádenı-turmystyq qyzmet kórsetý nysandary ornalastyrý kózdelgen.
Memleket basshysy budan soń batyrymdy nasostar shyǵaratyn zaýytta boldy
Prezıdent kásiporynnyń qyzmetimen jáne óndiristi ulǵaıtý jónindegi josparlarymen tanysty.
Joba