Keıbir elder vırýsty juqtyryp jazylǵandarǵa saıahattaýǵa ruqsat beretin «ımmýndyq pasport» berýdi usyndy. «Dúnıejúzilik densaýlyq saqtaý uıymy «ımmýndyq pasportty» engizýdi qoldamady, óıtkeni COVID-19 koronavırýstyq ınfeksııaǵa antıdenelerdiń bolýy adamnyń qaıta vırýs juqtyrmaıtynyna kepil bola almaıdy» delingen DDU saıtynda jarııalanǵan málimdemede.
«Dál qazir COVID-19 juqtyrǵan jáne antıdeneleri bar adamdardyń qaıta juqtyrýdan qorǵalatyndyǵy týraly eshqandaı dálel joq» delingen habarlamada.
Kóptegen zertteýlerge sáıkes, ınfeksııadan aıyǵyp shyqqan adamdar jańa vırýsqa antıdeneler alady. SARS-CoV-2 vırýsyna antıdenelerdiń bar bolýy COVID-19 ımmýnıtetin qalyptastyra alatynyn dáleldeı almady.
COVID-19 antıdenelerdiń dáldigi men senimdiligin anyqtaý úshin qosymsha tekserý qajet. «Antıdenelerdi damytý arqyly ımmýnıtettiń tıimdiligi týraly jetkilikti dálelder joq. Antıdene tabylǵan adamdar bizde ımmýıtet bar dep qoǵamdyq densaýlyq saqtaý erejelerin elemeýi múmkin. Biz dál qazir mundaı qujatty zańdastyrsaq, vırýstyń odan ári taralý qaýpin arttyryp alýymyz múmkin» dep atap kórsetti DDU.