Sońǵy táýlikte Qyzylorda oblysynda taǵy 9 adamnyń indet juqtyrǵany naqtylanyp, qazir oblys boıynsha naýqastar sany 179-ǵa jetti.
Jańadan anyqtalǵan 9 jaǵdaı da oblys ortalyǵynan tirkelip otyr.
– Indet juqtyrǵandardyń biriniń Taraz qalasynan kelgendigi anyqtaldy. Qalǵan segizi Qyzylorda qalasynyń turǵyndary. Segizdiń altaýy medısına salasynyń qyzmetkerleri. Olardyń bireýi dáriger, taǵy biri sanıtar, ekeýi medbıke, taǵy ekeýi kólik júrgizýshileri. Áriptesterimizdiń boıyna dert juqtyryp alǵany skrınıngtik tekserý kezinde anyqtalǵan, – deıdi oblystyq densaýlyq saqtaý basqarmasynyń basshysy Jaqsylyq Ábdisámetov.