26 sáýirde Nur-Sultanda Sátbaev kóshesi 20 men Saryarqa kóshesi 43 meken-jaıynda ornalasqan turǵyn úı keshenderiniń eki kireberisi karantınge jabyldy. Bul týraly qala ákimdigi habarlady.
Dezınfeksııa jumystary júrip jatyr. Osy eki kireberistiń turǵyndaryna jaqyn mańdaǵy azyq-túlik dúkenderine shyǵýǵa ǵana bolady. Qalǵan jaǵdaılarda úıden shyǵýǵa qatań tyıym salyndy. Dári-dármekterdi tek tapsyryspen alýǵa bolady.
Perımetr boıynsha qorshaý belgileri ornatyldy, polısııa kezekshilik atqaryp jatyr. 26 sáýirdegi derekterge sáıkes qala boıynsha barlyǵy 24 turǵyn úı kesheninde 28 kireberis karantınge jabyldy. Abylaı han-Rysqulbekov — Músirepov – Mustafın kósheleriniń qıylysynda ornalasqan úıler de karantınge qorshaýǵa alyndy.