Búgin «Shyǵys» óńirlik qolbasshylyǵyna qarasty 27943 áskerı bóliminiń qurylǵanyna 27 jyl toldy.
Búgin «Shyǵys» óńirlik qolbasshylyǵyna qarasty 27943 áskerı bóliminiń qurylǵanyna 27 jyl toldy.
Elimizdiń tynyshtyǵyn qorǵaýdy qamtamasyz etý maqsatynda Qazaqstan Respýblıkasynyń Qorǵanys mınıstrligi dırektıvasynyń negizinde 1993 jyly 26 sáýirde Jarma aýdanynyń Qalbataý poselkesinde 27943 áskerı bólimi quryldy. Áskerı bólimniń qurylýy men qalyptasýyna ár jyldarda basqarǵan podpolkovnık Álimjan Ernııazov (qazirgi tańda otstavkadaǵy general-maıor), podpolkovnık Tımýr Ábishev, podpolkovnık Baýyrjan Qabatov, podpolkovnık Vıtalıı Dobrınskıı, polkovnık Asqan Tasbolatov, podpolkovnık Nurlan Qashaǵanov, polkovnık Danııar Qonaqbaev, podpolkovnık Rýslan Akmolın, podpolkovnık Talǵat Saparbaev, podpolkovnık Erjan Ibraev, podpolkovnık Murat Arapbaev, podpolkovnık Begimbet Tájibaev kóp eńbek etti.
Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń jetekshiligimen armııanyń jańa túrin qurý sheńberinde áskerı qyzmetti jan-jaqty transformasııalaý jáne reformalaý boıynsha túpkilikti ózgerister júrgizildi. Áskerı-saıası mindetterge súıene otyryp, Qarýly Kúshterdegi uıymdastyrýshylyq-shtattyq qurylymdardy jetildirýge baılanysty 1998 jylǵy 1 jeltoqsannan bastap motoatqyshtar polki jeke motoatqyshtar brıgadasy, Qorǵanys mınıstrliginiń 2004 jylǵy 28 qarashadaǵy dırektıvasy negizinde jeke motoatqyshtar brıgadasy jeke mehanıkalandyrylǵan brıgada bolyp ózgertildi. О́zindik tarıhy qalyptasqan bólimnen túlep ushqan ofıserler búgingi kúni jaýapty jetekshilik qyzmette eńbek etip, Qarýly Kúshterimizdiń damýyna óz úlesin qosyp keledi. О́skemen shaharynda ornalasqan áskerı bólimge 2019 jyldyń 4 qyrkúıeginde Qorǵanys mınıstriniń buıryǵymen Halyq Qaharmany Qasym Qaısenov esimi berildi. Jeke quramnyń jaýyngerlik ázirligi de júıege qoıylǵan. Árdaıym aldyńǵy shepten kórinip keledi. Oǵan «Shubarkól» polıgonynda Reseı Federasııasynyń Qarýly Kúshterimen birlesken «О́zara qımyl – 2008», «Shyǵys» polıgonyndaǵy «О́zara qımyl – 2009» oqý jattyǵýlary, 2010-2011 jyldary Ulttyq qaýipsizdik departamentimen birlesken jedel taktıkalyq oqý jattyǵýlary, 2012 jyldyń shilde aıynda «Izendi» polıgonynda Úsharal garnızonyndaǵy 40398 áskerı bólimimen birlesken brıgadalyq-taktıkalyq oqý jattyǵýy, «Kóktal» oqý polıgonyndaǵy «Aıbalta –2015», «Shyǵys» oqý polıgonyndaǵy «Aıbalta – 2016», «Shyǵys» oqý polıgonyndaǵy Reseı Federasııasynyń Qarýly Kúshterimen birlesken «О́zara qımyl – 2019» oqý jattyǵýlary dálel bolady.
Áskerı bólim jaýyngerlik ázirlikti odan ári belsendirýdiń, kásibı daǵdyny barynsha arttyrýdyń, áskerı tártip pen quqyq tártibiniń jaǵdaıyn jaqsartýdyń oń úrdisin saqtaı bildi. Álemdik dodada Qazaqstannyń Qarýly Kúshteriniń jaýyngerlik dańqy men abyroıyn arttyrǵan áskerılerdiń jetistigi maqtaýǵa laıyq. Máselen, áskerı mamandyqtarǵa qatysty «Armııa oıyndary – 2016» halyqaralyq jarysy sheńberinde Reseı Federasııasynyń «Alabıno» polıgonynda uıymdastyrylǵan «Sývorov shabýyly» jarysynan bóliminiń áskerıleri jeńispen oraldy. Jaýyngerlik urys mashınasynyń komandıri, leıtenant Erlan Muqataev, jaýyngerlik urys mashınasynyń kózdeýshi operatory kishi serjant Erasyl Maratov, jaýyngerlik urys mashınasynyń mehanık-júrgizýshisi aǵa serjant Stepan Tambovsev «Sývorov shabýyly» jarysynda «Jaýyngerlik mashına ekıpajy» nomınasııasy boıynsha úshinshi oryndy jeńip aldy. Nomınasııa ıegerleriniń keýdesine RF Qorǵanys mınıstri S.Shoıgý medal taqty. Arnaıy dıplom men sertıfıkattar tabystap, úsheýine de kvadrosıkl syıǵa tartty. Jaýyngerlik urys mashınasynyń mehanık-júrgizýshisi, aǵa serjant Stepan Tambovsevke RF Qurlyq áskerleriniń Bas qolbasshysy general-polkovnık Oleg Salıýkov «Jaýyngerlik dostastyqty nyǵaıtqany úshin» medalin tabys etti. Sondaı-aq, Sankt-Peterbýrg qalasy Qyzyl selosyndaǵy S.Kırov atyndaǵy Áskerı-medısına akademııasynyń oqý ortalyǵynda ótken «Áskerı-medısınalyq estafeta» baıqaýynan Qazaqstan qurama komandasynyń mehanık-júrgizýshisi, 3-shi synypty serjant Nurlan Maıhanovta júldemen oraldy. Ol jeńil brondy kóp maqsatty tartqyshty júrgizip, kedergiler jolaǵy men atys shebinen ótýde kásibı sheberliktiń joǵary deńgeıin kórsetti. Úzdik komandany tehnıkalyq jaǵynan qamtamasyz etýge úles qosqan maıor Rýstam Karımov pen kapıtan Marat Abdýlın de «Armııa oıyndary – 2016» halyqaralyq jarysynda basshylyq quram men qyzmettesteriniń senimin aqtaǵany úshin alǵys gramotasyn aldy. Qazaqstan Respýblıkasy Prezıdentiniń Jarlyǵymen ár jyldarda III dárejeli «Aıbyn» ordenimen kapıtan Marat Abdýllın, «Jaýyngerlik erligi úshin» medalimen podpolkovnık Áset Salıhov, kapıtan Jaqsylyq Ormantaı, kelisimshart boıynsha áskerı qyzmetshi, 3-shi synypty serjant Larısa Kotova, 3 synypty serjant Talǵat Múshelbaev, maıor Jadyra Muhamadıeva men maıor Eldos Bekpaev «El Qorǵany» I dárejeli jáne kelisimshart boıynsha áskerı qyzmetshi, 2 synypty serjant Nurlan Qorabaev «El Qorǵany» II dárejeli medalimen marapattalǵan. 2018 oqý jylynyń qysqy merziminde QR QK Qurlyq áskerleri bólimderi men qurylymdarynyń batalondary arasyndaǵy «Mergen batalon» jarysynda 2-shi motoatqyshtar batalony birinshi oryndy utyp aldy. 2019 oqý jylynyń qysqy kezeńinde QR QK Qurlyq áskerleri bólimderi men qurylymdarynyń batalondary arasyndaǵy «Úzdik mınaatqyshtar batareıasy» saıysynda 2-shi motoatqyshtar batalonynyń mınaatqyshtar batareıasy taǵy da birinshi oryndy jeńdi. Dál osy 2-shi motoatqyshtar batalony QR Qarýly Kúshteriniń jedel-strategııalyq komandaly-shtabtyq «Aıbalta – 2019» jattyǵýynda da kásibı sheberlikte jetistikterge jetti. Podpolkovnık Erjan Meıirmanov basshylyq etetin bólimniń áskerı qyzmetshileri batyr babalardyń jaýyngerlik dástúrin jalǵastyryp, elimizdiń strategııalyq mańyzdy aımaǵynda qaýipsizdikti qamtamasyz etý úshin jaýyngerlik mindetterin abyroımen atqara bermek.
Nurjan Malgajdarov,
«Shyǵys» óńirlik qolbasshylyǵynyń
Qaharman Q.Qaısenov atyndaǵy 27943 áskerı bóliminiń
ıdeologııalyq jumystar, arnaıy nasıhat jáne
memlekettik-quqyqtyq daıyndyq boıynsha aǵa ofıseri,
kapıtan
О́SKEMEN