Memleket basshysy Nursultan Nazarbaev belgili jazýshy, Memlekettik syılyqtyń laýreaty Dúkenbaı Dosjannyń qaıtys bolýyna baılanysty onyń otbasy men týǵan-týystaryna kóńil aıtý jedelhatyn joldady, dep habarlady Prezıdenttiń baspasóz qyzmeti.
Jedelhatta D.Dosjannyń tabıǵı darynymen jastaı kórinip, ádebıet maıdanynda tynbastan, ónimdi eńbek etip kelgeni atap ótilgen.
«Onyń qalamynan týǵan áńgimeler men hıkaıattar, romandar oqyrmandaryn tiliniń shuraılylyǵymen, ulttyq boıaýynyń qanyqtyǵymen baýraıtyn», – delingen jedelhatta.
Memleket basshysy jazýshynyń eńbegi ár jyldary ádebıet salasyndaǵy joǵary mártebeli syılyqtarmen jáne memlekettik nagradalarmen marapattalǵanyn da atap kórsetken.
Nursultan Nazarbaev qalamgerdiń úzdik shyǵarmalary árdaıym halqymyzben birge jasaı beretinin atap ótken.