Keshe Qazaqstan Prezıdenti janyndaǵy Ortalyq kommýnıkasııalar qyzmetinde resmı ókil Altaı Ábıbýllaev jýrnalıster qaýymyna dástúrli brıfıng ótkizip, apta ishinde bolatyn mańyzdy oqıǵalar jelisin baıandap berdi.
Resmı ókil 20 qyrkúıekte Aqordada Memlekettik hatshy Marat Tájınniń tóraǵalyǵymen Qazaqstan halqy Assambleıasynyń Ǵylymı-saraptamalyq keńesiniń keńeıtilgen otyrysy ótetinin jetkizdi.
Keshe Qazaqstan Prezıdenti janyndaǵy Ortalyq kommýnıkasııalar qyzmetinde resmı ókil Altaı Ábıbýllaev jýrnalıster qaýymyna dástúrli brıfıng ótkizip, apta ishinde bolatyn mańyzdy oqıǵalar jelisin baıandap berdi.
Resmı ókil 20 qyrkúıekte Aqordada Memlekettik hatshy Marat Tájınniń tóraǵalyǵymen Qazaqstan halqy Assambleıasynyń Ǵylymı-saraptamalyq keńesiniń keńeıtilgen otyrysy ótetinin jetkizdi. «Onyń basty mindeti – Qazaqstannyń 2050 jylǵa deıingi Damý strategııasyna sáıkes, ulttyq-memlekettik birliktiń, QHA-nyń ulttyq tarıhty zerdeleý jónindegi mindetteriniń, til saıasatynyń, elimizdiń barlyq óńirlerindegi ǵylymı-saraptamalyq jumystardyń negizi retindegi etnosaıasatty ǵylymı taldaýmen qamtamasyz etýdi uıymdastyrýdyń, tarıhı sana-sezimdi qalyptastyrýdyń mańyzdy aspektilerine qozǵaý salý josparlanýda.
Sonymen qatar, Úkimet baǵyty boıynsha da birqatar mańyzdy is-sharalar atqarylady. Esterińizde bolsa, Úkimet Qazaqstan elordasy – Astanada EKSPO-2017 halyqaralyq mamandandyrylǵan kórmeni sapaly ári joǵary deńgeıde ótkizýge barynsha atsalysyp keledi. Halyqaralyq kórmeler bıýrosynyń bas hatshysy V. Lossertales tamyz aıynyń basynda elimizge jumys saparymen kelgen bolatyn. Sol sapar barysynda ol Úkimet basshysy Serik Ahmetovti Parıjge jumys saparymen shaqyrǵan edi. Osy aptada, ıaǵnı 19-20 qyrkúıekte Serik Ahmetov Parıjge jumys saparymen baratyn bolady», dedi OKQ resmı ókili A.Ábıbýllaev.
Budan keıingi kezekte sóz tizginin brıfıngke arnaıy shaqyrylǵan Qazaqstan Parlamenti Senaty baspasóz qyzmetiniń jetekshisi Talǵat Jumaǵulov aldy. Ol Álemdik jáne dástúrli dinder kóshbasshylary seziniń mereıtoıy aıasynda elordada ótetin sharalar jaıynda aıtyp berdi. «Álemdik jáne dástúrli dinder kóshbasshylary seziniń mereıtoıy aıasyndaǵy negizgi sharalar 25 qyrkúıekte Astanadaǵy Táýelsizdik saraıynda ótedi. Kúnniń birinshi jartysynda Sezd Hatshylyǵynyń HII otyrysy bolyp, keıinnen «О́rkenıetter únqatysýyndaǵy Astana dinaralyq forýmynyń róli» halyqaralyq ǵylymı-tájirıbelik konferensııasymen jalǵasady. Sezdiń jumys organy bolyp tabylatyn Hatshylyqtyń XII otyrysy barysynda qatysýshylar Álemdik jáne dástúrli dinder kóshbasshylary IV seziniń qorytyndylary boıynsha pikir almasady. Hatshylyq músheleri, sondaı-aq, 2015 jylǵa josparlanyp otyrǵan V Sezdiń mazmundyq jáne uıymdastyrý máseleleri týraly pikir almasatyn bolady. Otyrysqa Hatshylyq basshysy – Qazaqstan Respýblıkasy Parlamenti Senatynyń Tóraǵasy Qaırat Mámı tóraǵalyq etedi», dedi T.Jumaǵulov. Sondaı-aq, Senattyń baspasóz hatshysy 23 qyrkúıek kúni Beıbitshilik jáne kelisim saraıynda «Dintutqa» kitabynyń tusaýkeseri bolatynyn, bul kitapta 2003-2013 jyldary dinaralyq únqatysý máselelerine arnalǵan maqalalar, taldaý materıaldary jáne suhbattar toptastyrylǵanyn atap ótti.
Brıfıngke Memlekettik qyzmet isteri jónindegi agenttiktiń tóraǵasy Álıhan Baımenov te qatysyp, memlekettik qyzmet týraly jańa zańnyń oryndalý barysyna, qazaqstandyq memlekettik qyzmettiń jańa modeli men damý keleshegine toqtalyp ótti. «2011 jyly shildede Elbasy bekitken Tujyrymdamaǵa sáıkes, qazirgi ýaqytta qazaqstandyq memlekettik qyzmettiń jańa modeli qalyptastyryldy. Jańa model qurý úzdik halyqaralyq tájirıbeni esepke ala otyryp júzege asyryldy, bul rette ol sheteldik modelderdiń kóshirmesi bolyp tabylmaıdy. Halyqaralyq sarapshylar Qazaqstandaǵy júrgizilgen memlekettik qyzmet reformasyn joǵary baǵalady. «A» basqarýshylyq korpýsyn qurý jáne saıası laýazymdar sanyn 8 esege qysqartýdy sarapshylar kásibılendirý men merıtokratııany kúsheıtý boıynsha mańyzdy qadam, sondaı-aq, tabystyń basty faktory – Memleket basshysynyń saıası kúsh-jigeri dep sanaıdy», dedi Á.Baımenov.
Osylaı deı kele, Á.Baımenov memlekettik qyzmet salasyndaǵy negizgi jańashyldyqqa toqtalyp ótti. «Alǵash ret zańnamamen memlekettik organdarda konkýrstar júrgizý kezinde baqylaýshylar ınstıtýty engizildi. Baqylaýshylar konkýrstyq komıssııanyń jumysymen tanysady jáne onyń jumysy týraly óz pikirin aıta alady. Ekinshiden, testileý azamattardyń ótinishi boıynsha me mlekettik organdardaǵy konkýrstarǵa baılanyssyz júrgiziledi. Testileýden oń nátıjemen ótken jaǵdaıda, azamattarǵa irikteýge qatysý quqyǵyn beretin sertıfıkat beriledi. Memlekettik organdardyń konkýrstyq rásimderdi ótkizý ýaqyty 3 ese qysqartyldy», dedi Á.Baımenov bul oraıda. Onyń aıtýynsha, testileý rásimderin tehnıkalyq qorǵaý júıesi kúsheıtilip, testileý baǵdarlamalary kúrdelendirilgen. Máselen, 2013 jyldyń ekinshi toqsanynda testileý boıynsha bastapqy ball jınaǵan úmitkerler úlesi 2012 jylǵy 66,0%-ǵa qaraǵanda 58%-dy quraǵan eken.
«Sonymen qatar, zańnamalyq deńgeıde memlekettik organnyń birinshi basshysy aýysqan kezde kadrlardyń «komandalyq aýysýyn» azaıtý úshin aýysý tártibinde taǵaıyndaýǵa arnalǵan múmkindikter qysqartyldy. Olar tek qana memlekettik organdar ishinde, sondaı-aq, Prezıdent belgilegen jaǵdaılarda ǵana júzege asyrylady. Qalǵan barlyq taǵaıyndaý tek konkýrstyq negizde ǵana júzege asyrylady», dedi óz sózinde ol.
Láıla EDLILQYZY,
«Egemen Qazaqstan».