Elimizde tótenshe jaǵdaı jarııalanýy jáne karantın engizilýine baılanysty memleketten qoldaý sharalarymen qatar, barlyq jerde qaıyrymdylyq sharalary ótkizilýde.
Qaıyrymdylyq isti kásipkerler men meıirimi mol jomart júrek azamattar da kórsetýde. Mundaı ıgi ári saýapty amaldan Aqkól aýdanynyń kásipkerleri da shet qalmaýda. Atap aıtsaq, «Kamıla» JShS-niń basshysy G.Krıvıskıı 2 mıllıon teńgege 180 azyq-túlik jıyntyǵyn ázirledi. Jıyntyq quramyna, bir otbasyna eseptegende, bir qap un, 2 lıtr ósimdik maıy, jarma, burshaq jáne makaron ónimderi kiredi.
Igi sharaǵa «Úsh Bulaq-2005» JShS qus fabrıkasynyń basshylyǵy da qatysyp, aýdannyń muqtaj turǵyndary úshin 324 myń teńge somasyn quraıtyn 10800 dana jumyrtqa úlestirdi.
Jýyrda jomart jandar aýdannyń 158 otbasyna kómek kórsetti. Munyń ishinde Aqkól qalasynda 63 otbasy kómek alsa, 95 azyq-túlik jıyntyǵy aýyldyq okrýgterge jiberildi.
Aqmola oblysy