Premer-Mınıstr Kárim Másimov Úkimet janynan Kásipkerlik máseleleri jónindegi birtutas úılestirý keńesin qurý boıynsha keńes ótkizdi, dep habarlady Premer-Mınıstrdiń baspasóz qyzmeti.
Kásipkerlik máseleleri jónindegi birtutas úılestirý keńesi Memleket basshysynyń Prezıdent janyndaǵy Kásipkerler keńesiniń jalpy otyrysynda ústimizdegi jyldyń 26 aqpanynda bergen tapsyrmasyn oryndaý maqsatynda qurylǵaly otyr.
Atalmysh keńesýshi organdy qurý arqyly ortaq sheshimder qalyptastyrý jáne mańyzdy memlekettik baǵdarlamalardy júzege asyrý maqsatynda memleket pen bıznestiń birlesýi úshin tıimdi alańqaı paıda bolmaqshy.
“Atameken” odaǵy, Qazaqstan kásipkerleri forýmy, Saýda-ekonomıkalyq palata ókilderi, qarjygerler, ekonomıster birlestikteri jáne birqatar salalyq bıznes qaýymdastyqtar qurylǵaly otyrǵan úılestirý keńesiniń jumysyna belsendi atsalysýǵa daıyn ekendikterin bildirdi.
Talqylaý qorytyndysynda K.Másimov qysqa merzim ishinde keńes qurý jónindegi Úkimet qaýlysyn ázirlep, aldaǵy aptadan bastap jańa keńesýshi organnyń alǵashqy otyrysyn ótkizý jóninde tapsyrma berdi.