«Atameken» UKP ótken onlaın suhbat barysynda «Talap» qoldanbaly zertteýler ortalyǵynyń dırektory Rahym Oshaqbaev suraqtarǵa jaýap berý barysynda karantınnen keıin eldi ekonomıkalyq tyǵyryqtan alyp shyǵatyn salalardyń biri aýyl sharýashylyǵy bolady, dep atap ótti.
«О́tken aptada Elbasynyń qatysýymen ótken jıynda aýyl sharýashylyǵyna qoldaý kórsetý týraly aıtqan bolatyn. Al kóktemgi egiske qoldaý kórsetý ol salany ǵana qoldaýdy bildirmeıdi, onyń artynda memlekettiń azyq-túlik saıasaty jatyr» dep atap ótken R.Oshaqbaevtyń aıtýynsha, aýyl sharýashylyǵy salasyndaǵy uıymdardy bir qarjy uıymyna biriktirý qajet. Agrobank ashý máselesin qozǵaǵan ekonomıst «Nesıe beretin aýyl sharýashylyǵy salasyndaǵy uıymdardyń bárin bir qarjy uıymyna biriktirip, sol arqyly kásipkerlerdi tómen paıyzdyq nesıemen qoldaǵan jón» deı kele kepildik qaldyrý tártibinen ketip, naqty bıznes-josparlarǵa qarajat aýdarý kerektigin aıtty.
Alaıda eldegi kóptegen bıýrokratııalyq kedergilerge baılanysty qarjylandyrýǵa qatysty sheshimder kesheýildep qaldy. Bul baǵytta jumysty barynsha jedeldetý kerek. Onyń aıtýynsha, aýyl sharýashylyǵyn qarjylandyrý turǵysynda bank júıesine ǵana ıek artpaı, basqa da amaldaryn qarastyrǵan jón. О́ıtkeni, bankter shaǵyn jáne usaq bıznes ókilderine ýaqytynda aqsha jetkizip bere almaıtyny anyq.