Nur-Sultan jáne Almaty qalalary arasyndaǵy áýe baılanysy týraly mınıstr Dáýren Abaev aıtty.
«Nur-Sultan men Almaty qalalary arasynda birinshi kezeńde kúnine 4 reıs jasaý josparlanýda. Onyń ishinde eki reıs «Eır Astana», bir reıs «Flaı Arystan», bir reıs «Skat» kompanııalaryna tıesili. Olar bılet qunyn karantınge deıingi deńgeıde ustaý mindetti. Al jaǵdaı túzelgen saıyn reıs sanyn, ushaq syıymdylyǵyn arttyrý máselesi qarastyrylady. Áýe tasymaly, kóliktegi bas sanıtralyq dáriger bekitken kúsheıtilgen sanıtarlyq talaptar arqyly jasalady. Ushý úshin jolaýshyda COVID-19 belgisi joq ekenin rastaıtyn anyqtama bolýy kerek»,- dedi mınıstr.Sondaı-aq ushý úshin sanıtarlyq talaptar qatań saqtalatynyn aıtty:- jolaýshyda COVID-19 belgisi joq ekenin rastaıtyn anyqtama bolýy kerek. Anyqtamanyń jaramdylyq merzimi pysyqtalýda.- jeke qorǵanysh quraldaryn qoldaný kerek (maska, qolǵap).- qyzýyn ólshetip, tıisti dıstansııany saqtaý qajet.- áýejaıda jáne ushaqta kúsheıtilgen dezınfeksııa jasalady.
Aıta ketý kerek, búgin Memleket basshysy Qasym-Jomart Toqaev koronavırýsqa baılanysty jarııalaǵan málimdemesinde 1 mamyrdan bastap Elorda men Almaty arasyndaǵy reısterdiń ashylatynyn aıtty.