Halqy úshin aýyr jeldiń ótinde júrip, armanynan alystap qalǵan jandar qanshama. Olardyń esimderi el júreginen óshpeıdi. Táýelsizdik alǵan jyldardan beri Almaty qalasynda 67 polısııa qyzmetkeri jumys babynda qapyda qaza taýypty.
Almaty qalalyq polısııa departamenti marqumdardyń aıaýly beınesin esten shyǵarmaı, urpaqqa úlgi etý maqsatynda áserli vıdeorolık túsirdi. Beınerolıkte el qaýipsizdigin qadaǵalaý jolynda ár jyldary ómirden ozǵan almatylyq tórt birdeı tártip saqshysy Serik Ádenov, Ǵalymjan Ábdirov, Oral Satıev, Serik Abıldaevtar týraly estelikter áserli baıandalady. Esimi el turǵyndaryna uran bolǵan jandardyń ómir jolynan syr shertetin beınejazbany oqyrman nazaryna usynamyz.