Atyraý oblysynda arnaıy jıynǵa shaqyrylǵan 68 adam dezınfeksııalaý jumystaryna, sanıtarlyq posttarda qyzmet etýge jáne qalany patrýldeýge kirisip ketti, dep habarlaıdy «Batys» óńirlik qolbasshylyǵy Basqarmasynyń baspasóz qyzmeti.
Jattyǵýdyń alǵashqy kúninde arnaıy oqý-jıyndaryna kelgen jeke quram áskerı bólimder tizimine engizilip, áskerı mamandyqtaryna sáıkes laýazymdarǵa taǵaıyndaldy. Áskerı qyzmetkerler radıasııalyq, hımııalyq jáne bıologııalyq qorǵanys vzvodyna, kúzet vzvodyna jáne gospıtal-medısınalyq bólimshege bólindi. Qarýly Kúshterdiń tájirıbeli ofıserleriniń arasynan taǵaıyndalǵan laýazymdyq tulǵalar jeke quramǵa qaýipsizdik jónindegi sabaqtaryn uıymdastyrdy jáne áskerı qyzmetshilergi múlikterin berip, olardy qoldanýǵa úıretip, jeke mindetterimen tanystyrdy.
Atyraý oblysynda karantın rejıminiń alǵashqy kúninen bastap ınfeksııanyń taralýyna qarsy kúreske «Batys» óńirlik qolbasshylyǵynyń 200-ge jýyq áskerı qyzmetkeri tartyldy. Qazir olardyń qataryna áskerı mindettiler qosylyp, aımaqtaǵy koronavırýstyń taralýyna birlese qarsy turýǵa kómektýde.
Alaıda, qurylǵan úsh bólimsheniń árbiriniń tapsyrmasy bólek. Mysaly, shaqyrylǵan dárigerler men feldsherler aýrýhana-medısınalyq bólimshesin qurap, qaladaǵy 4 blokposttyń sanıtarlyq beketterine jiberildi. Polısııa ókilderimen birge olar jolaýshylar men júrgizýshilerdiń jeke derekterin toltyrady jene dene temperatýrasyn ólsheıdi.
RHB vzvodynda da atqarylatyn tapsyrmalar kóp. Kún saıyn olar qalany dezınfeksııalaý úshin mańyzdy tapsyrma alady. Tańerteńnen bastap olar qorǵanys shapandaryn kıip, búrikkish rıýkzaktarmen jáne ystyq tuman generatorlarymen qarýlanyp, turǵyn úılerdiń, aýlalar men balalar alanyń zalalsyzdandyrýǵa shyǵady. Sonymen qatar, úlken ashyq alańdardy zalalsyzdandyrý úshin, áskerıler GAZ-52-04 avtomobıliniń shassıinde DÝK (Komarov dezınfeksııalaý qurylǵysy) qurylǵysyn qoldanady.
-Biz aýlalardy zalalsyzdandyrýǵa kirgen kezde turǵyndary udaıy bizdi qýanyshpen qarsy alady. Olar óz úılerin sapaly dezınfeksııalaýdy suraıdy. Alaıda biz ár úıde óz jumysymyzdy sapaly oryndaýǵa tyrysamyz, sebebi osynda júrgenniń barlyǵymyz Atyraý óńiriniń turǵyndarymyz. Bizdiń jerlesterimizdiń árbir raqymy bizdi yntalandyrady, ár alǵysy jiger beredi, deıdi dezınfeksııada júrgen sarbaz Erjan Dilmanov.
Kesh bastalysymen atqyshtar vzvody óz mindetterin oryndaýǵa kirisedi. Kún saıyn 18.30-da olar qalany patrýldeý aldynda praktıkalyq nusqaý alý úshin Atyraý qalasynyń polısııa bólimine barady. Ol jerde olar jupqa bólinip, bir polısııa qyzmetkerine tapsyrylady. Patrýldeý ýaqyty kúnde saǵat 19.00-den 03.00-ge deıin. Tájirıbeli jáne jaýapty vzvod serjanty Baýyrjan Chýngýlov olardy qyzmet oryndary boıynsha iriktep-bóledi, keıin qosymsha patrýldeý kezindegi áreketterdiń algorıtmin túsindiredi. Baýyrjannyń ózi de, burynǵy kelisimshart boıynsha áskerı qyzmetshisi. Ol Ulttyq Ulan qatarynda da, Qorǵanys mınıstrliginiń bólimderinde de qyzmet etken, sondyqtan nusqaýlyq pen óatań tártip týraly kóp biledi.
Arnaıy jıynnyń uzaqtyǵy aǵymdaǵy jyldyń 10 mamyryna deıin josparlanǵan, biraq oblys ákiminiń sheshimimen 3 aıǵa deıin uzartylýy múmkin. Bul másele bizdiń áskerı qyzmetshilerdi eshbir alańdamaıdy, óıtkeni olar munda óz erikterimen keldi jáne kez-kelgen tapsyrmany oryndaýǵa daıyn.
Mańǵystaý oblysy