Búgin Qaraǵandy oblysynda COVID-19 pandemııasyn tórt adamnyń juqtyrǵany zerthanalyq negizde rastaldy, dep habarlady oblys ákiminiń baspasóz qyzmeti.
Bul joly da ınfeksııa oshaǵy Temirtaýda burq ete qaldy: qalanyń úsh turǵynynyń boıynan indet belgileri tabyldy. Olardyń biri 16 jastaǵy bozbala jáne ekeýi 1977, 1985 jyldary týǵan áıelder.
Al tórtinshi pasıent buryn aýyrǵandarmen baılanysta bolǵandyqtan karantındik gospıtalda jatqan qaraǵandylyq 67 jastaǵy azamat.
Naýqastardyń barlyǵy ınfeksııalyq stasıonarǵa jatqyzyldy.
Búgingi kúnde Qaraǵandy oblysynda koronavırýs ınfeksııasyn juqtyrǵandardyń jalpy sany 132 adamǵa jetti. Bir naýqas atalǵan indetten kóz jumyp, 43 adam aýrýhanadan jazylyp shyqty.
Qaraǵandy oblysy