Ataqty kompozıtor Ilııa Jaqanovtyń «Jaılaýkól keshteri» ánin bilmeıtin qazaq joq shyǵar. Biraq júrekti terbep, kóńildi emdeıtin bul ánniń Jambyl oblysy, Sarysý aýdanyndaǵy Jaılaýkól aýylyna arnalǵanyn bireý bilse, bireý bilmes.
Aýdan ortalyǵynan 240 shaqyrym qashyqtyqta ornalasqan aýyldyń tynys-tirshiligi búginde túzelip keledi. Jambyl oblysynyń ákimi Berdibek Saparbaevtyń tapsyrmasymen bıýdjettiń kóp qarajatyn jumsamaı, ońtaıly, yqshamdalǵan shyǵynmen aýyl joldaryn jańartý, eldimekenderge aýyz sý tartý máselesi Sarysý aýdanynyń ortalyǵynan shalǵaıda jatqan Tómengi Shý boıynda júıeli iske asýda.
Osy ýaqytqa deıin oblystyq mańyzy bar «Jaılaýkól-Qamqaly» arasyndaǵy joldyń nasharlyǵy talaı ret másele retinde kóterilgen. Búginde atalǵan baǵyttaǵy 31 shaqyrym avtokólik jolyna kúrdeli jóndeý jumystary bastaldy. Atalǵan jol sekseninshi jyldardyń sońynda jóndeý kórgen eken. Alaıda, osy kúnge deıin isker ári janashyr azamattardyń qamqorlyǵymen tegistelip, retke keltirilip otyrǵan. Biraq turǵyndar bul joldyń da ylǵı tesilip jatatynyn aıtatyn. Búginde bul joldy jóndeý jumystary qolǵa alynyp, jóndeý jumystaryna «Taraz-Kólik-Joly» JShS jumyldyrylǵan. Jalpy, orta jóndeý jumystaryna 550 mıllıon teńgeden astam teńge bólingen. Sonymen qatar, jaqyn kúnderi «Sarysý sýlary» kásiporny «Iteke» sý toǵanynan Jaılaýkól aýylyna deıingi 11 shaqyrym aýyz sý qubyryn aýystyryp, aýylǵa taza aýyz sý keledi. Bul jumystar 22 mıllıon teńgege iske asatyn bolady.
Sarysý aýdanynyń Tómengi Shý boıynda ornalasqan Jaılaýkól aýylynyń turǵyndary bul bastamaǵa rızalyq bildirýde. Jakentaı Jambylov, Májıt Ámirov sııaqty aýyl qarııalary oblys basshylyǵyna rızashylyǵyn jetkizýde.
Jambyl oblysy