ALAR ASÝ ALDA

Bul Joldaý basqalardan ózge­she­rek. Desek te, Memleket basshysy Joldaýlarynyń ara­syndaǵy sabaqtastyqty baıqaý qıyn emes. Basqalaryn bylaı qoıǵanda, sońǵy úsh Joldaýda úndestikke arqaý bolyp otyrǵan “jańa”, “jańarý”, “damý” sóz­deriniń ózi-aq túpki maqsaty­myzdy aıqyn ańǵartyp tur. Al, túpki maqsatymyz – ja­ńarý, damý arqyly týǵan elimizdiń álemniń ozyq memleketteri qataryna qosylýyna qol jetkizý. Damý nátıjesi ósip-órkendeý, ol halqymyzdyń jasampaz isteri arqyly kórinis tabady. Jasam­paz­dyqtyń saltanat qurýynyń bir dáleli retinde Nursultan Ábishuly sońǵy on jylda 652 mektep pen 463 densaýlyq saqtaý nysany salynǵa­nyn atap kórsetti. Osy jalań sıfrlardyń ózinen-aq elimizdiń damý qarqy­nyn baǵamdaı alasyz. Iá, jyldan-jylǵa qazaqstan­dyqtardyń ál-aýqaty artyp, mu­ny syrttaǵylar da tanyp, bilip otyr. Oǵan Joldaýdyń myna bir joldary aıǵaq: “Bizdiń je­tis­tik­terimizdi moıyndaı otyryp, BUU óziniń 2009 jylǵy Baıandama­syn­da Qazaqstandy adam áleýetiniń joǵary deńgeıi bar elder sana­tyna qosty. Bul – bizdiń ósken ál-aýqatymyzdyń daýsyz dáleli!” Adam áleýeti demekshi, ol óziniń mańyzdy komponentteriniń biri – bilim men bilik arqyly nyǵaıyp, bekı túsedi. Sondyqtan bolar, jańa Joldaýdyń bir taraýyn Elbasy N.Nazarbaev “Adam – eldiń basty baılyǵy” dep atap, eldi jańǵyrtý strate­gııa­synyń tabystylyǵy, eń al­dy­men, qazaqstandyqtardyń bili­mine, áleýmettik jáne dene bol­mysy, kóńil-kúılerine baıla­nysty ekenin alǵa tartty. Elbasynyń kezekti Joldaýyn ádettegideı muqııat tyńdap, erte­ńine-aq “Egemen Qazaqstanda” jaryq kórgen mátinin zeıin qoıa oqyp, kóp nárseni oı eleginen ótkizgenimmen, janyma jaqyn bilim berý, onyń ishinde kásiptik bilim berý júıesine qatysty: “Kásiptik jáne tehnıkalyq bilim berý kásibı standarttarǵa negi­z­de­lip, qatań túrde ekonomıkanyń qajettilikterimen ózara baıla­nystyrylýy kerek”, degen bir aýyz sózin astyn syza otyryp, qaıtalap oqyp shyqtym. Keıin Joldaýdy ujym bolyp taldaǵan kezde osy bir az da bolsa, saz aı­tylǵan sózder sala qyzmet­ker­lerine qanshama jaýapkershilik júkteıtini erekshe atap ótildi. Joldaýǵa qoldaý – ol Jol­daýdy tek tyńdaý, ıá bolmasa oqyp shyǵý ǵana emes, oǵan ár azamattyń naqtyly isimen jaýap berýi, qoıylǵan maqsattar men mindetterdiń júzege asýyna tike­leı atsalysýy, kásibine qatysty kez kelgen máseleni sheshe alýy, básekege qabiletti bolýy degen sóz. Ujym músheleriniń pikiri osylaısha bir jerge toǵysty. P.SÚIINKINA, Y.Altynsarın atyndaǵy áleýmettik-gýmanıtarlyq kolledjiniń oqytýshysy, QR bilim ozaty. Qostanaı oblysy, Rýdnyı qalasy.