Shahmattan júlde qory 250 myń AQSh dollaryn quraǵan «Magnus Carlsen Invitational» onlaın-týrnıriniń altynshy týry bastaldy.
Besinshi aınalymda oıda-joqta nıderlandtyq Anısh Gırıden utylyp qalǵan norvegııalyq Magnýs Karlsen bul joly Iаn Nepomnıashııden 3:2 esebimen basym tústi. Al Qyzǵaldaqtar eliniń ókili jas daryn Álıreza Fırýdjaǵa ese jiberdi – 1,5:2,5. Bul Iran shahmatshysynyń osy jarystaǵy alǵashqy jeńisi. Buǵan deıingi kezdesýlerdiń barlyǵynda ol jeńilistiń kermek dámin tartqan edi. Keshe túnde Hıkarý Nakamýra (AQSh) men Lıjen Dın (Qytaı) jáne Fabıano Karýana (AQSh) pen Maksım Vashe-Lagrav (Fransııa) ózara sheberlik baıqasty.
Ázirge Karlsen ózgelerden qara úzip tur. Onyń enshisinde 13 upaı bar. Nakamýra men Dınniń basty básekelesterinen eki upaıy kem. Odan keıingi oryndarǵa myna oıynshylar jaıǵasty: Karýana – 10, Nepomnıashıı, Fırýja – 6, Vashe-Lagrav – 5 jáne Gırı – 4 upaıdan.