El tarıhynda úrdis bolyp qalyptasqan Elbasynyń jyl saıynǵy halyqqa Joldaýy biz – jastar úshin de úlken mańyzǵa ıe. Dúnıe júzin jahandyq daǵdarys eńsiretip jatqanda, egemendi elimiz eńsesin bıik ustap, damý strategııasyn júzege asyrýda. Árıne, qıynshylyqtar da kezdesti, biraq árbir másele óz qoldaýyn, óz sheshimin tabý ústinde. Sonyń bir aıqyn dáleli retinde aqyly topta úzdik oqıtyn stýdentterdiń grantqa aýysýyn atap aıtýǵa bolady.
Bıylǵy Elbasynyń Joldaýy bizdi taǵy bir márte jańa bastamalarǵa, jańa múmkindikterge jeteleıtini sózsiz. Sebebi, bizge júktelgen mindetter de aıqyn. Biz dep otyrǵanym, bul bolashaqtyń berik kepili – jastar. Jahandy qarjylyq qıynshylyq shalǵan kezde, jastar memleket tarapynan qoldaýǵa ıe boldy. Qarjylyq tapshylyqqa qaramastan, elimizdiń myńdaǵan stýdentteri joǵary bilimderin jalǵastyrýǵa, dıplomdaryn qoldaryna tıgenderi jumysqa turýǵa múmkindik aldy. Endi biz de artylǵan senimdi aqtap, aldymyzǵa qoıylǵan mindetterdi múltiksiz oryndaýymyz kerek.
Elbasynyń onjyldyqqa jasaǵan strategııalyq qadamy elimizdi talaı tolaǵaı tabystar men jańa bıikterden kórsetýdiń múmkindigi dep bilemin. Búginde elimiz dúnıejúzilik arenada óz ornyn tapty. Onyń aıqyn dáleli – elimiz Eýropadaǵy qaýipsizdik jáne yntymaqtastyq uıymyna tóraǵalyq etip, Eýropanyń tórine shyqty.
Memleket aldynda ashylyp jatqan jańa múmkindikter biz úshin qýantarlyq jaǵdaı. Elbasynyń bıylǵy Joldaýynda ınnovasııalyq-ındýstrııalyq damý men ekonomıkany ártaraptandyrý basty nazarǵa alynǵan. Al bul jastardy ǵylym men bilimge odan ári bet burýǵa, jańa ınnovasııalyq jobalardy jasaýǵa jáne kásipkerlikpen aınalysýǵa jeteleıtini sózsiz.
Memlekettiń halyqaralyq bedeli men baılanystary jas kásipkerler men ǵalymdar úshin úlken múmkindik. О́zge memleket kásipkerlerimen tájirıbe almasyp, elimizdegi bıznestiń damýyna jańashyl baǵyt bere alatyn bolsaq, onda otandyq óndiristiń alǵa basqany. Sol sekildi, alǵan bilimimizdi zaıa ketirmeı, elimizdiń gúldenýi men órkendeýi úshin jumsaıtyn bolsaq, onda bizge júktelgen mindetterdiń aqtalǵany dep esepteımin.
Strategııalyq josparlar men salıqaly saıasattyń arqasynda búginde memleketimizdi álem moıyndap otyr. Al osy saıasattyń basty negizi jyl saıynǵy el Prezıdentiniń Qazaqstan halqyna Joldaýy ekeni sózsiz.
Bul keleshektiń kemel kiltin ıemdenetin jalyndy da jigerli jastardyń úzik oıy ǵana. Al qoǵamdaǵy otanshyl ıdeıa ıeleriniń berer baǵasy men saralar oıy budan da bıik.
Gúlnur MAShTAQOVA, “Jas Otan” JQ múshesi.
Batys Qazaqstan oblysy.