Koronavırýstiń kesirinen Kásipqoı restlıng uıymy (WWE) qazirgi kezde qarjy tapshylyǵyn aıqyn sezinýde. Sonyń saldarynan olar ózderiniń qataryndaǵy keıbir sportshylardan arylýda.
Bıýdjettiń qysqarýyna baılanysty WWE ózgelerdi aıtpaǵanda, áıgili jekpe-jek sheberi Keın Velaskestiń ózimen de kelisimshartty úzýge májbúr bolyp otyr. Al bul sportshynyń esimi tórtkúl dúnıege máshhúr.
1982 jyly AQSh-tyń Kalıfornııa shtatynda týyp-ósken Keın alǵashqy kezderi kıkboksıng jáne brazılııalyq djıý-djıtsýdy jetik meńgerdi. 2006 jyldyń kúzinde erejesiz jekpe-jekke shyqty. Sol kezden beri 17 kezdesý ótkizip, 14 ret jeńiske jetti. 12 qarsylasyn nokaýtpen utty. 2010 jyldyń 23 qazanynda Brok Lesnardy soqqyǵa shyǵyp, asa aýyr salmaqta UFC chempıony atandy. 2011 jyldyń qarashasynda Jýnıor dýs Santýstan jeńilip, altyn belbeýden aıyrylǵanymen, 2012 jyly dál sol sportshyǵa san soqtyryp, qaıta chempıondyq tájdi ıelendi.
О́ziniń sońǵy jekpe-jegin Keın Velaskes byltyr 17 aqpanda kamerýndyq Fransıs Ngýanýǵa qarsy ótkizip, nokaýtpen utylǵan bolatyn.