Otyz kúnde otyz baspana. Dál osyndaı ataýmen Ramazan aıynda «Hareket» qaıyrymdylyq qory respýblıkalyq aksııasyn júzege asyrýda.
Izgi nıettiń arqasynda taǵy bir kókshetaýlyq otbasy baspanaly boldy. Bul joly úsh bólmeli páterdiń kilti kópbalaly Sultanovtar áýletine tabystaldy.
Sultanovtar otbasynda 8 bala bar. Tuńǵyshy 19-da bolsa, sút kenjesi 2 jasta. Osy ýaqytqa deıin bul otbasy qala irgesindegi Nurly kósh aýylynda baspana jaldap kelgen. Úı kezeginde turǵandaryna on jylǵa jýyqtaǵan. Al, qasıetti aıda «Hareket» qory aksııasynyń aıasynda baspanaly bolyp, aq túıeniń qarny jaryldy.
–Sizderge aq alǵysymdy aıtamyn. Balalarym da qýanyp jatyr,–deıdi qala turǵyny Asqar Sultanov.
«Hareket» qorynyń yqpalymen Kókshetaýda besinshi otbasy baspalany boldy. Osyǵan deıin Býrabaı aýdanynda jáne Kókshetaý qalasynda tórt otbasy qonys toıyn toılaǵan.
Osyǵan deıin «Hareket» qory «1000 teńgege baspana» aksııasyn da sátti júzege asyrǵan. Aksııa aıasynda respýblıka boıynsha 200-ge tarta otbasy páterge qol jetkizdi. Bul osy aksııaǵa qatysyp, óz úlesterin qosqan buqaranyń eńbegi. Halyq kóńiline qýanysh uıalatyp, mereıin asyrǵan jobalar áli de jalǵasa bermek.