О́skemen qalasyna 293 jyl toldy. Bul kúndi óskemendikter este qalarlyqtaı atap ótti. «Qalalyqtarǵa kúlki syıla» sharasy, fýtboldan «Altyn kúz» ashyq týrnıri uıymdastyryldy. Etnoaýyldaǵy jańa keshenniń, «Rahat» jáne «Azamat» bala baqshalarynyń, úsh juldyzdy «Aınalaıyn» qonaq úıiniń, qalanyń órkendeýine erekshe úles qosqan A.Protazanov pen Ahat Kúlenovtiń eskertkishteriniń ashylýyna da halyq kóp jınaldy.
О́skemen qalasyna 293 jyl toldy. Bul kúndi óskemendikter este qalarlyqtaı atap ótti. «Qalalyqtarǵa kúlki syıla» sharasy, fýtboldan «Altyn kúz» ashyq týrnıri uıymdastyryldy. Etnoaýyldaǵy jańa keshenniń, «Rahat» jáne «Azamat» bala baqshalarynyń, úsh juldyzdy «Aınalaıyn» qonaq úıiniń, qalanyń órkendeýine erekshe úles qosqan A.Protazanov pen Ahat Kúlenovtiń eskertkishteriniń ashylýyna da halyq kóp jınaldy.
Merekeniń ekinshi kúni Respýblıka alańynda «Kúz syıy» jármeńkesi ótti. Qalalyqtarǵa Jarma aýdanynyń aýyl sharýashylyǵy qyzmetkerleri 12 tonna et, ondaǵan tonna kókónis, qurt, irimshik, basqa da azyq-túlik taýarlaryn ákelip, arzan baǵamen saýdalady. Jarma aýdanynyń halyq aspaptar orkestriniń oryndaýynda kóńil kóteretin kúıler shalqyp, án qalyqtady. Oblys ákimi B.Saparbaev qalalyqtardy merekesimen quttyqtap, olardyń eńbegine sáttilik tiledi. О́skemen qalasynyń ákimi T.Qasymjanov sol kúni atshabarda bolyp, kókpar, aýdaryspaq oıyndarynda jeńimpaz atanǵandarǵa qurmet kórsetti. 19-shy shaǵyn aýdanynda «Jumyspen qamtý-2020» baǵdarlamasy boıynsha salynǵan turǵyn úılerdiń páter kiltin óńir basshysy saltanatty jaǵdaıda tapsyrdy.
Keshkilik Ertis ózeni kópiriniń janyndaǵy amfıteatrda saltanaty kelisken erekshe mádenı shara bastaldy. Konsertke ataqty ánshiler – Bıbigúl Tólegenova, Maıra Ilııasova, Qanat, Aıtkúl Qudaıbergenovter, Alısher Karımov, dáýlesker kúıshi Seken Turysbek, Vıacheslav Tkach, Ǵıbrat Azýbaev, Reseıdiń kórshi Barnaýylynan kelgen óner juldyzdary qatysty.
Ońdasyn ELÝBAI,
«Egemen Qazaqstan».
О́SKEMEN.