Nur-Sultan qalasynan shyǵatyn avıajolaýshylar COVID-19 koronavırýstyq ınfeksııasyna teris nátıjeli PTR-testinen (polımerazdy tizbekti reaksııa) ótkeni týraly anyqtamany ózimen birge alyp júrýge mindetti, dep habarlaıdy elorda ákimdiginiń resmı saıty.
«Bul anyqtama jeti kúnge beriledi. Merzim ótkennen keıin PTR-testileýden qaıta ótip, jańa anyqtama alý qajet. Zerthanalardaǵy barlyq zertteýler azamattardyń óz qarajaty esebinen aqyly negizde júrgiziledi», – dep habarlady elordanyń qoǵamdyq densaýlyq saqtaý basqarmasy.
Nur-Sultanda testileýden ótý úshin zerthanalar meken-jaılary men telefondary:
Nur-Sultandaǵy «Olımp» KDL: Respýblıka dańǵyly, 2/1; Gete kóshesi, 3; B. Momyshuly dańǵyly, 16; Abylaıhan dańǵyly, 12/1; E-10 kóshesi, 2 úı; Mankent tuıyǵy, 2 (mobıldi pýnkt). Testter tek 8 701 961 70 08 (WhatsApp mátindik SMS) telefonyna aldyn ala jazylý arqyly júrgiziledi (http://covid.kdlolymp.kz); «Ulttyq saraptama ortalyǵy» ShJQ RMK Nur-Sultan qalasy boıynsha fılıaly: Jeltoqsan kóshesi, 46, tel. 8 (7172) 31-54-09, 8 (7172) 59-00-77.Koronavırýs ınfeksııasynyń aýrýshańdyǵy ósýine baılanysty elordada «Olımp» KDL zerthanasy COVID-19-ǵa PTR-taldaýlardy aqyly negizde iske qosty.
Testileýge qala turǵyndary Smart Astana qosymshasy arqyly «Medısına» – «COVID-19 testine jazylý» bóliminde jazyla alady. Saýalnama avtomatty túrde «Olımp» KDL zerthanalaryna túsedi. Odan ári medısınalyq mekeme qyzmetkerleri qońyraý shalyp, emshara kabınetine shaqyrady.
Habarlanǵandaı, Qazaqstan Prezıdenti Qasym-Jomart Toqaevtyń tapsyrmasy boıynsha 1 mamyrdan bastap Nur-Sultan men Almatydan Qyzylorda, Petropavl, О́skemen jáne Semeı qalalaryna áýe reısteri ruqsat etiledi. Reıster sanıtarlyq talaptardyń kúsheıtilgen normalarymen, jolaýshylardyń az sanymen jáne salonda erekshe qashyqtyqta otyrǵyzýmen júzege asyrylatyn bolady.