Búgin Uly Otan soǵysynyń batyry, «Halyq Qaharmany» Raqymjan Qoshqarbaevtyń Reıhstagqa tý tikkenine týra - 75 jyl.
Raqymjan Qoshqarbaev Aqmola oblysynyń Selınograd aýdanynda týǵan. 1942 jyly áskerge alynǵan. Derekterge qaraǵanda, 1944 jyly qazan aıynan bastap 1-Belarýs maıdanyndaǵy Idrısk atqyshtar dıvızııasy quramynda 150-shi vzvod basqaryp, Polsha jáne Germanııa jerlerindegi urystarǵa qatysqan. 1945 jyly 30 sáýirde leıtenant Raqymjan Qoshqarbaev jaýynger Grıgorıı Býlatov ekeýi Sovet áskeri arasynan Berlındegi Reıhstagqa birinshi bolyp Jeńis týyn tikti.
Berlındegi Reıhstagqa jeńis týyn tikken qazaqtyń erjúrek azamaty, «Halyq Qaharmany» Raqymjan Qoshqarbaevtyń (1924-1988 jj.) erligi urpaqtan-urpaqqa ańyz bolyp taraldy.
Keńes ókimeti onyń erligin basqalardyń enshisine jazyp, Qoshqarbaevtyń qaharmandyǵyn eskermeı kelgen-di. Elbasy sol olqylyqtyń ornyn toltyryp, 1999 jyly Raqymjan Qoshqarbaevqa «Halyq Qaharmany» ataǵyn berý týraly Jarlyqqa qol qoıdy. Osylaısha erdiń erligi resmı turǵyda ulyqtaldy.