Amerıkalyq bıznesmen, Tesla jáne SpaceX kompanııasynyń jetekshisi Ilon Mask AQSh bıligin eldegi karantındi toqtatýǵa shaqyrdy.
Ataqty kásipker Ýoll-strıt jýrnalynyń «Karantın adamdardyń ómirin saqtap qala ma?» degen maqalasyna jaýap retinde áleýmettik jelidegi paraqshasyna «Adamdarǵa óz bostandyǵyn ber!» dep pikir qaldyrǵan.
Buryn kásipker Tesla qyzmetkerlerine ınfeksııanyń taralýy aıasynda úıde bolýǵa ruqsat bergen bolatyn. «Eger siz kishkene bolsa da aýyryp qalsańyz ne ózińizdi jaısyz sezinseńiz jumysqa barýǵa mindetti emessiz», delingen kásipkerdiń qyzmetkerlerge joldaǵan hatynda.
Sonymen birge, ol vırýs aınalasyndaǵy tolqýdy qajetsiz dep sanaıtynyn basa aıtty. Onyń pikirinshe, karantınnen keıingi dúrbeleń qazirgi jaǵdaıdan da qaýiptirek.