Úkimet kelesi aıda da tabysynan aıyrylǵan azamattarǵa 42500 teńge kóleminde kómek beredi. Bul týraly Memleket basshysynyń koronavırýsqa baılanysty jarııalaǵan málimdemesinde aıtylǵan.
Osy oraıda Eńbek jáne halyqty áleýmettik qorǵaý mınıstrligi qazaqstandyqtar ekinshi ret 42 500 teńgeni qashan alatynyn aıtty.
«Tótenshe jaǵdaı saldarynan tabysynan aıyrylǵan azamattarǵa memlekettik áleýmettik saqtandyrý qorynan ekinshi tólem birinshi tólemdi alǵan kúnnen bir aı ótken soń túsedi» delingen Eńbek jáne halyqty áleýmettik qorǵaý mınıstrliginiń habarlamasynda.
Aıta ketý kerek, tólem alýǵa ekinshi ret ótinim berip, qujat tapsyrýdyń qajeti joq. Naýryzda kómek aqsha alǵan azamattardyń shotyna 42 500 teńge tólem kelesi aıda avtomatty túrde aýdarylady.