Ruqsattyń bolýyn tekserý úshin jumys berýshi qyzmetkerdiń málimetterin jedel shtab tizimine berýi tıis dep habarlaıdy Nur-Sultan qalasy ákimdiginiń resmı saıty.
Jedel shtabtyń elordadaǵy call-ortalyqtaryna júktemeni azaıtý úshin check_whitelist_quarantine_bot telegram-boty iske qosyldy. Onyń kómegimen elordada júrip-turýǵa ruqsat berý tiziminde naqty adamnyń kólik nómiri men JSN bar-joǵyn tekserýge bolady. Bul týraly Nur-Sultan qalasy ákimniń orynbasary Malıka Bekturova habarlady.
«Qala boıynsha júrip-turýǵa ruqsatyn tekserý úshin jumys berýshi málimetterińizdi jedel shtab tizimine berýi kerek. Al ótinish berýshiniń JSN-i men ótinimdegi kólik nómiri sáıkes kelýi qajet. Bir telegram-akkaýnttan táýligine bes suranysqa deıin jiberýge bolady», – dep jazdy ol óziniń telegram-arnasynda.
M.Bekturova qazirgi ýaqytta elimizdiń kóptegen qalalarynda pandemııamen kúresý úshin qabyldanǵan sharalar jalǵasyp jatqanyn atap ótti. «Sonymen qatar, jumysqa ruqsaty bar kásiporyndar tizimi ulǵaıýda. Ruqsat etilgen kóliktiń memlekettik nómiri men JSN polısııa qyzmetkerleri planshetterde paıdalanatyn bazaǵa engizilýi tıis», – dedi ol.