Kókshetaýdaǵy eń jas bet árleýshi qyz 15-te ǵana. Mádına-kópbalaly otbasynyń tuńǵyshy, ózinen keıin 4 ini-sińlisi bar. Sulýlyq álemine kishkentaıynan áýes. Grımniń kómegi arqyly aqsha taýyp, ata-anasy men baýyrlaryna járdemdesip júr.
Mádına úıdiń úlkeni bolǵandyqtan, otbasynyń kádimgideı qolǵanaty. 13 jasynda bet árleýge arnalǵan kýrsty támamdaǵan. Sodan beri eki jyl ishinde talaı qyzdyń betin árledi. Sulýlyq obrazyn jasaýdan lázzat alady. Grım jasaýmen qatar bıge de áýes. О́nerimen kózge túsken Mádına qazir oblystyq fılarmonııa janyndaǵy «Gákký» bı ansamblinde bıshi.
– Sóıtip, karantın bastalǵaly osy balanyń eńbekaqysyna azyq-túlik alyp otyrmyz. Kádimgideı kópkórim kómek, – deıdi Mádınanyń anasy Ásel Bazarbaeva.
Bıshilik ónerimen tapqan eńbekaqysynan bólek, bet árleýge tapsyrystar alyp ta jumys isteıdi. Qazir karantın bolǵandyqtan, otbasyndaǵy hanshaıymdardy ǵana sándep júr. Úıde bos otyrǵandy unatpaıdy. Sheteldik vızajıstterdiń onlaın marafonyna qatysyp, túrli obrazdar jasap, sheberligin shyńdaýda. Al otbasy ónerli qyzdyń ynta-jigerine árdaıym qoldaý bildirip keledi.
– Men alǵashynda anama bet árleýshi bolamyn degen nıetimdi aıtýǵa júreksindim. Degenmen, otbasyma shamaly bolsa da qarjylaı járdemdesýge úlken múmkindik dep oıladym, –deıdi bet árleýshi Mádına Núkeeva.
Sulýlyq áleminiń qyr-syryn tanyp, oǵan den qoıý úshin myqty erik-jiger, qaısarlyq qajet. 15 jasar Mádınanyń boıynda bul qasıetterdiń bári bar. Al, sulýlyq álemdi qutqarady.
Kókshetaý qalasy