Túrkistan oblysy Maqtaaral aýdanyndaǵy qazirgi jaǵdaıdy baǵalaý úshin óńirge shuǵyl jetken Ishki ister mınıstriniń orynbasary Iýrıı Ilın, Ekologııa, geologııa jáne tabıǵı resýrstar vıse-mınıstri Sergeı Gromov, Aýyl sharýashylyǵy vıse-mınıstri Nurbek Daıyrbekov jáne Ulttyq ulan qolbasshysynyń orynbasary Arlen Búrkitbaev sý basý qaýpi bar aýmaqty áýeden baqylady.
Maqtaaral aýdanyndaǵy Ferdoýsı jáne Nurly jol eldi mekenderine sý basý qaýpi tónip turǵandyqtan 3 myńnan astam adam evakýasııalandy. Olar Maqtaaral aýdanyndaǵy Atakent kentinde ornalasqan 10 mektepke ornalastyrylǵan. TJK jedel shtaby jáne Túrkistan oblysynyń tótenshe jaǵdaılar departamenti evakýasııa joldarynyń jáne zardap shekken halyqty qabyldaý pýnktileriniń ornalasýyn anyqtaýda. Respýblıkalyq deńgeıde qurylǵan jedel shtabty TJK basshysy Vladımır Bekker basqarady. Shtabtyń habarlaýynsha, tótenshe jaǵdaıdaǵy qutqarý jumystaryna Túrkistan oblysy, Shymkent qalasynyń Tótenshe jaǵdaılar departamentteriniń, Ulttyq ulannyń, Qorǵanys mınıstrliginiń, aýdandyq polısııa bóliminiń, jergilikti atqarýshy organdardyń 635 adamy men 60 dana tehnıkasy jumyldyrylǵan.
Qaýipsiz jerge kóshirilgen turǵyndar azyq-túlik, ystyq tamaqpen tolyq qamtamasyz etilgen. Sondaı-aq evakýasııalanǵan halyqty indetten saqtaý boıynsha barlyq shara qolǵa alyndy. Turǵyndarǵa antıseptık, betperde, qolǵap tegin taratylyp, ár azamattyń dene qyzýy teplovızormen tekserilýde.